Qazaqstandyqtar óz densaýlyǵyn qalaı baǵalaıdy - saýalnama
NUR-SULTAN. QazAqparat – QR Prezıdenti janyndaǵy Qazaqstan strategııalyq zertteýler ınstıtýty qazaqstandyqtardyń óz densaýlyǵyn qalaı baǵalaıtyndyǵy týraly áleýmettik saýalnama nátıjesin jarııalady, dep habarlaıdy QazAqparat.
Qazaqstandyqtardyń óz densaýlyǵyn qalaı baǵalaıtyndyǵy týraly saýalnamanyń nátıjelerin usynamyz Jyl saıyn 7 sáýirde Dúnıejúzilik densaýlyq saqtaý uıymynyń (DDU) qurylǵan kúnine oraı búkil álemde Dúnıejúzilik densaýlyq kúni atap ótiledi.Bul kún psıhıkalyq jáne tán saýlyǵynyń mańyzdylyǵyn, sondaı-aq onyń ýaqtyly aldyn-alý qajettiligin eske túsirýge múmkindik beredi.
Bir jyldan astam buryn pandemııa bastaldy, ol búkil álemge jáne barlyq elderdiń azamattaryna áserin tıgizdi. Sondyqtan, búgin, esh ýaqytta bolmaǵandaı, árkim, ózi úshin densaýlyǵynyń mańyzdylyǵyn sezindi. Qazaqstandyqtardyń pandemııaǵa deıingi 2019 jyly jáne sodan keıin, koronavırýsqa baılanysty karantındik shekteýler oryn alǵan –2020 jyly óz densaýlyǵyna qatysty ne oılaıtyny týraly saýalnama derekterin qarastyryp, ózara salystyramyz.
Zertteý barysynda respondentterdiń edáýir bóligi densaýlyq jaǵdaıyna qanaǵattanǵandyqtaryn aıtty.
2019 jyly sondaılardyń úlesi 81,2%-dy qurady. Al, 2020 jyldyń qarashasynda óz densaýlyǵynyń jaǵdaıyna qanaǵattanǵan respondentterdiń úlesi aıtarlyqtaı joǵary boldy, biraq 2019 jylmen salystyrǵanda birshama tómendegen –78,9%.
