Qazaqstandyqtar óz bolashaǵyn tek Elbasynyń esimimen baılanystyratyn tarıhı tańdaý jasady - Senat Tóraǵasy
ANA. 7 sáýir. QazAqparat /Qanat Mámetqazyuly/ - Qazaqstandyqtar óz bolashaǵyn tek Elbasynyń esimimen baılanystyratyn tarıhı tańdaý jasady.
Búgin QR Parlamenti Senatynyń jalpy otyrysynda Senat Tóraǵasy Qasym-Jomart Toqaev osylaı málimdedi.
«Ádil ári ashyq ótken balama Prezıdent saılaýynda Elbasy Nursultan Nazarbaev elektorattyń basym kópshiliginiń daýysyna ıe bolyp, aıqyn jeńiske jetti. Bul bizdiń memleketimizdegi tarıhı mańyzdy oqıǵa. Qazaqstandyqtar óz bolashaǵyn tek Elbasynyń esimimen baılanystyratyn tarıhı tańdaý jasady. Halyqtyń bul tańdaýy Qazaqstandy búkil álem moıyndaıtyn ozyq elder qataryna qosýǵa ólsheýsiz eńbek sińirip kele jatqan Memleket basshysyna degen zor senimniń aıǵaǵy. Kelisim men turaqtylyqty qamtamasyz etýge, ekonomıkany damytýǵa jáne áleýmettik salany jańǵyrtýǵa baǵyttalǵan strategııany halyq esh kúmánsiz qoldady. Prezıdent N. Nazarbaevtyń dana basshylyǵymen qazaqstandyqtardyń talaı urpaǵy maqtan etetin tamasha jetistikterge jetýge senim mol. Elbasynyń jeńisi elimizdiń jemisi qutty bolsyn»,-dedi jıyndy ashyp sóılegen Q. Toqaev.
