Qazaqstandyqtar otshashýda bir kózinen aıyrylǵan qyzdy emdetýge qarjy jınap berdi

ALMATY. QazAqparat - Almatyda otshashýdyń kesirinen kózin zaqymdap alǵan boıjetkenniń emine qajetti qarajat tolyq jınaldy. Bul týraly Rımma Asqarova Instagramdaǵy paraqshasynda jarııa etti, dep habarlaıdy QazAqparat tilshisi.

Beınejazbada «Meıirimdi, qaıyrymdy, qazaq eli! Meniń emime qajetti 16 mıllıon jınaldy. Sizderge raqmet!», - delingen.

Allaǵa sansyz shýkir🙏🏻 Júregi Meıirimge Qaıyrymdy QAZAQ ELІ sizderge raxmeeeet.Sizderdiń arqalaryńyzda minekeı meniń emime qajet 16 mıllıon qarajat jınaldy Alla razy bolsyn🙏🏻 RAHMEEET Sonymen qatar @janym_baklajanym Aıdyn janymsol sizgede ÝLKEEN RAHMEET,Alla razy bolsyn ,sheksiz alǵysymdy ispen nemese sózben ,aıtyp jetkize almaspyn❤️ Jáne janymda kýn -týn demeı jýrgen altyn jandar sizdergede alǵysym sheksiz raxmeeeeet Alla razy bolsyn🙏🏻❤️

A post shared by Asqarova Rımma Oralbekqyzy (@rimmaskarova) on Jun 19, 2018 at 3:04pm PDT

Sondaı-aq, Rımma beınejazba astynda qaıyrymdylyq sharasyn uıymdastyrǵan Aıdyn Toqsanbaevaǵa alǵys bildirgen. .

«Halyq óte jaqsy úles qosty. Adamdar jaqsylyq jasaýdan jarysýda. Áleýmettik jelidegi oqyrmandaryma rızamyn. Rımmanyń emine qajetti soma úsh aptanyń ishinde jınaldy», - dedi Aıdyn Toqsanbaeva.
«Qujattarym 2-3 aptadan keıin daıyn bolady. Sosyn jolǵa shyǵamyn. Sizderge mindetti túrde habarlaımyn», - dep jazdy Rımma Asqarova.

Eske salsaq, Ramazan aıynda Rımma Asqarovanyń kózin emdetý úshin qaıyrymdylyq sharasy ótken bolatyn.