Qazaqstandyqtar otbasylyq kıkiljińderdiń basty sebebi retinde alkogoldi ishimdikterdi asyra ishýdi atap otyr
ASTANA. Qyrkúıektiń 3-i. QazAqparat - Іshki ister organdary qyzmetiniń negizgi baǵytnyń biri otbasy-turmystyq qarym-qatynas salasyndaǵy quqyq buzýshylyqtyń aldyn alý jáne eskertý bolyp tabylady, januıanyń barlyq músheleriniń bostandyqtary men quqyqtaryn qorǵaýǵa baǵyttalǵan jáne tetikterin quratyn mańyzdy element.
Osyǵan oraı otbasylyq zorlyq-zombylyq máselelerin zertteý jumystary boıynsha jumystar atqarylýda. Mysaly, aǵymdaǵy jyly Іshki ister mınıstrligi qurastyrǵan ádisteme boıynsha ár túrli oblysta otbasylyq-turmystyq qarym-qatynas salasynda jasalatyn zorlyq-zombylyqtyń ádisterin, túrlerin, deńgeıin anyqtaý úshin áıelder arasynda saýalnama alyndy, dep habarlaıdy QR ІІM Ákimshilik polıtsııa komıtetinen.
Saýalnamany ІІM Akademııasy ǵylymı-zertteý ınstıtýtymen birlesip, áıelderdi zorlyq-zombylyqtan qorǵaý barysynda ІІO-nyń qyzmetin uıymdastyrý jónindegi ishki ister organynyń bólimshe ınspektorlary júrgizdi.
Barlyq alynǵan 30 myń respondentter, áıelderdi zorlyq-zombylyqtan qorǵaý bólimshelerinen jáne daǵdarys ortalyqtarynan kómek suraǵan nemese keńes alý úshin habarlanǵandar, ishki ister bólimderine ákelingen sátsiz otbasylar, profılaktıkalyq esepte turǵan otbasyda janjal shyǵarýshylar, ata-anasy quqyǵynan aıyrylǵandardyń balalary, onyń ishinde áıelder men balalar.
Zorlyq-zombylyqtyń bolý sebepteri respondentterdiń oıy boıynsha: qyzǵanshaqtyq-- 24,7%, maskúnemdik - 23,7%, kelispeýshilik - 7%, múliktik daýlar (materıaldyq) - 33,8%, basqalardyń otbasylyq ómirge aralasýy - 10,3%, basqadaı - 0,5% bolyp tabyldy.
Otbasylyq janjaldardyń sebebiniń 83,1% spırttik ishimdikterdi asyra ishý.
Alynǵan nátıjeler kórsetkendeı, turmystyq zorlyq-zombylyqqa yqpal etý faktorynyń biri sátsiz otbasylyq jaǵdaı, otbasydaǵy aýyr materıaldyq-turmystyq jaǵdaı jáne ata-ananyń densaýlyq jaǵdaıy, sonymen qatar ata-ananyń ishimdikti zııan túrde paıdalanýy.
Zertteý zorlyq-zombylyqtyń tek áıelder men balalar arasynda emes, sonymen birge erkekter men qarttar arasynda kezdesetinin de kórsetti jáne otbasy-turmystyq qarym-qatynas salasynda zorlyq-zombylyqtyń aldyn alýǵa jáne eskertýge jańa ádisterdi oılastyrýǵa yqpal etti.
