Qazaqstandyqtar «Oskar-2014» kıno syılyǵy laýreattarynyń marapattaý kórsetilimin tamashalaıdy
ALMATY. QazAqparat - «Habar» telearnasynda aǵymdaǵy jyldyń 3 naýryzynda 22.30 kezinde álemdegi eń bedeldi kıno syılyǵy - «Oskar-2014» laýreattarynyń resmı marapattaý rásiminiń qazaqstandyq telenusqasynyń eksklıýzıvti kórsetilimin tamashalaıdy.
Osymen ekinshi ret «Oskar» sharasyn amerıkandyq aktrısa, kúldirgi jáne telejúrgizýshi Ellen Dedjeneres júrgizedi.
Marapattaý translıatsııasyna Qazaqstanda tanymal jáne bedeldi júrgizýshiler Roman Raıfeld pen Qaldybek Jańsańbaı túsinikteme beredi. «Oskar-2014» resmı marapattaý rásimi Los-Andjeleste jeksenbi kúni keshke, ıaǵnı Astana ýaqyty boıynsha tańerteń erte bolady. Sol sebepti Azııa jáne Shyǵys-Eýropa telearnalary bul sharany tikeleı efırden emes, túsirilip alynǵan jazba arqyly kórsetedi. «Habar» telearnasynyń kórermenderi marapattaý rásiminiń este qalarlyq qyzyqty ári mańyzdy sátterinen fotosessııany, oıyn-saýyq baǵdarlamasyn, sonymen birge laýreattardy jarııalaýdaǵy tartymdy sátterdi tamashalaıdy.
