Qazaqstandyqtar Ońtústik Koreıadan 20 mlrd teńge aqsha aýdarymyn aldy
ALMATY. QazAqparat - Qazaqstandyqtar tórt aıda shetelden 117 mlrd teńge aldy, dep habarlaıdy QazAqparat Ranking-ke silteme jasap.
«Aǵymdaǵy jyldyń qańtar-sáýir aılarynda shetelden kelgen aqsha aýdarymdarynyń kólemi 116,7 mlrd teńgeni qurady , bul 2018 jyldyń sáıkes kezeńimen salystyrǵanda 41,3% -ǵa kóp»,- delingen habarlamada.
Sondaı-aq, tranzaktsııalar sany artty: 29,1%, 529,2 myńǵa deıin. Bir jyl ishinde halyqaralyq aqsha aýdarymdary júıesi boıynsha bir tranzaktsııanyń ortasha chegi 201,6 myńnan 220,6 myń teńgege deıin artty.
Qazaqstan Respýblıkasyna aqsha aýdarymdaryn jibergen elder ishinde Reseı jetekshi oryn alady: 50,6 mlrd teńge - bul 2018 jyldyń qańtar-sáýir aılaryna qaraǵanda 37,9% -ǵa kóp. Tranzaktsııalar sany 31,7% -ǵa, 271,8 myńǵa artty, bir aýdarymnyń ortasha chegin 4,7% -ǵa, 177,8 myńnan 186,1 myń teńgege deıin arttyrdy.
Ekinshi orynda - Koreıa Respýblıkasy: 20,6 mlrd teńge, ósim - birden 63,3%. Aýdarymdar sany 51,5% -ǵa, 54,1 myń tranzaktsııaǵa ulǵaıdy. Ortasha chek 354,1 myńnan 381,5 myń teńgege deıin ósti.
Kósh bastap turǵan úshtiktiń sońynda Ózbekstan bar, ol elden 10,1 mıllıard teńge aýdaryldy. Bul ótken jylmen salystyrǵanda 70,1 paıyzǵa artyq. Tranzaktsııalar sany - 44,3%, 28 myńǵa deıin ósti. Ózbekstannan bir aýdarymnyń ortasha chegi 306,1 myńnan 360,7 myń teńgege deıin artqan.
