Qazaqstandyqtar obyr dertin anyqtaıtyn qosymsha oılap tapty
ASTANA. QazAqparat - Soltústik Qazaqstan oblysynyń turǵyndary hırýrg-rentgenolog Dmıtrıı Te men Igor Levın obyr dertiniń aldyn alýǵa arnalǵan mobıldik qosymsha oılap tapty, dep jazady 24 kz.
«Ázirge bul pılottyq joba. Sondyqtan áli de túzetýdi qajet etedi», - deıdi mamandar.
Olar «Onkoskrın» dep atalatyn baǵdarlamany qyrkúıek aıyna deıin tolyqtaı iske asyrýdy josparlap otyr. Keıin qosymshany kez kelgen adam qalta telefonǵa júktep alady. Arnaıy saýalnamalarǵa jaýap berý arqyly qosymsha sút jáne qýyqaldy bezdi, jatyr moıynyn, asqazan men ishektegi aýrýlardy erte basta anyqtaýǵa múmkindik beredi.
Munymen qatar naýqastar onkologııalyq dıspanser mamandarymen onlaın rejımde suhbattasa alady.
«Mobıldik qosymsha azamattarǵa tek usynys jasaıdy. ıAǵnı, testtiń qorytyndysy boıynsha aýrýdyń alǵysharttary anyqtalsa, skrınıngten ótýge nemese dárigerge qaralýyna barýǵa keńes beredi. Sondaı-aq munda elimizdegi onkologııalyq dıspanserlerdiń barlyq tizimi bolady», - deıdi joba avtory Dmıtrıı Te.
Jalpy Soltústik Qazaqstan oblysy elimizde qaterli isik aýrýy boıynsha kósh bastap tur. Bıyldyń ózinde óńirde 900-ge jýyq adamnan obyr derti anyqtalǵan.
«Daıyn bolǵan baǵdarlamany biz Playmarket pen Appstore-da jarııalaımyz. Ol kez kelgen gadjette jumys jasaı beredi. Qazir jobany qarapaıym, ıaǵnı azamattarǵa túsinikti bolý úshin barynsha jaǵdaı jasap jatyrmyz. Aldaǵy ýaqytta ony qazaq tiline aýdarýdy da josparlap otyrmyz», deıdi qosymshany ázirleýshi Igor Levın.
