Qazaqstandyqtar nesıeni kóbirek ala bastady
ASTANA. QazAqparat - 2016 jylǵy 9 aıda berilgen nesıelerdiń kólemi 525 mlrd. teńgege ulǵaıdy.
Búgin Senattyń jalpy otyrysynda Ulttyq bank tóraǵasy Danııar Aqyshev osylaı málim etti, dep habarlaıdy QazAqparat.
«Bankterdiń ekonomıkaǵa nesıeleriniń qaldyǵy aǵymdaǵy jyly ózgergen joq, ıaǵnı 12,7 trln. teńge. Alaıda, 2016 jylǵy 9 aıda berilgen nesıelerdiń kólemi 525 mlrd.teńgege ulǵaıyp, 7,2 trln. teńge boldy», - dedi D. Aqyshev.
Ulttyq bank basshysy teńgemen berilgen nesıeler boıynsha syıaqy mólsherlemeleriniń qańtardaǵy 23,7 paıyzdan qyrkúıekte 16,3 paıyzǵa deıin tómendegenin atap ótti.
«Ulttyq bank qarjylyq turaqtylyqty qamtamasyz etý jumysyn jalǵastyratyn bolady. El ekonomıkasyndaǵy daǵdarysty qubylystar saqtalǵan jaǵdaıda Ulttyq bank qarjy naryǵyn retteýdiń qarsy tsıkldyq sıpatyn ustanady, bank sektorynyń jaǵymsyz jaǵdaılarǵa ornyqtylyǵyna únemi baǵalaý júrgizetin bolady», - dep qorytyndylady D. Aqyshev.
