Qazaqstandyqtar nesıe alýy údetip keledi
ASTANA. 5 qazan. QazAqparat - Qazaqstannyń bank júıesinde nesıelerdiń de, depozıtterdiń de ósimi baıqalady.
Bul týraly búgin Astanada «Nur Otan» HDP-nyń QR Parlamenti Májilisindegi fraktsııasynyń keńeıtilgen jınalysynda QR Ulttyq bankiniń tóraǵasy Grıgorıı Marchenko málim etti.
«Aǵymdaǵy jyldyń 9 aıyndaǵy bankter bergen nesıelerdiń jalpy kólemi 7,7 paıyzǵa ósip, 9 trln. 492 mln. teńgeni qurady. Depozıttik uıymdardaǵy rezıdentterdiń depozıt kólemi 8 aı ishinde 6,4 paıyzǵa kóterildi, al halyqtyń bankterge salymy qańtar-tamyz aılarynda 13 paıyzǵa ósip, 3 trln. 118 mlrd. teńgege jetti», - dedi G. Marchenko.
Ulttyq bank tóraǵasynyń sózine qaraǵanda, ekinshi deńgeıli bankterdiń aktıvteri 1 qyrkúıektegi jaǵdaı boıynsha jyl basynan bergi aralyqtaǵy 8 aıda 3,5 paıyz ósim kórsetip, 13,3 mlrd. teńgeni quraǵan. Saqtandyrý uıymdarynyń da aktıvteri ósýde. Máselen, olar 8 aıda jyl basyna qaraǵanda 12 paıyzǵa artqan.
«Sonymen qatar, zeınetaqy jınaqtary da jyl basynan beri 12,7 paıyzǵa ósti, ári 3 trln. teńgeden asyp jyǵyldy. ıAǵnı bul 20 mlrd. AQSh dollarynan astamdy nemese JІÓ-niń shamamen 10,5 paıyzyn quraıdy degen sóz», - dedi ol.
