Qazaqstandyqtar naýryzda 14 kún demalady
ASTANA. 19 qańtar. QazAqparat - Qazaqstandyqtar 2014 jylǵy naýryzda demalys pen mereke kúnderin qosqanda, 14 kún demalady, dep habarlady elektrondyq úkimet portaly.
Kóktemniń alǵashqy aıy Qazaqstan azamattary úshin merekege toly. 8 naýryz halyqaralyq áıelder meıramy demalys kúnine sáıkes kelip otyr, tıisinshe, qazaqstandyqtar 8-10 naýryz aralyǵynda demalatyn bolady. Naýryz merekesi de demalys kúnine túsip tur. Osylaısha QR azamattarynyń kóktemgi kanıkýly kún men aıdyń teńelgen kúni 21-25 naýryz aralyǵyna sozylady.
Eske sala keteıik, 2013 jyly qazaqstandyqtar naýryzda 13 kún demalǵan. Qazaqstan Respýblıkasynda merekelik kúnder jumys kúnine jatpaıdy. Merekelik kúnder demalys kúnderine sáıkes kelgen jaǵdaıda, merekeden keıingi jumys kúni demalys kúni bolyp belgilenedi.
