Qazaqstandyqtar murttylardyń reıtınginde 4-shi orynda
ASTANA. 10 qarasha. QazAqparat - hotels.com saıtynda álemdegi eń úzdik murttardy anyqtaý maqsatynda kúlki úshin jasalǵan reıtıngte qazaqstandyqtar tórtinshi orynǵa ornalasty,
dep jazady "Ekspress-K" . Bizdiń otandastarymyz 41 paıyz daýys jınaǵan meksıkandyqtarǵa, úndistandyqtar men nemisterge (árqaısysynda 12 paıyzdan) ǵana jol berdi. Degenmen, brıtandyqtardy, avtrııalyqtardy, reseılikter men frantsýzdardy artta qaldyrdy. Qazaqstandyqtar úshin óz daýystaryn suralǵandardyń 10 paıyzy berdi.
Basylym eń tanymal qazaqstandyq murttylar retinde Sáken Seıfýllın men Shoqan Ýálıhanovty atady. «Óz tarapymyzdan qazirgi ýaqytta Qazaqstanda eń tanymal murtty adam retinde respýblıkanyń eks-premeri Kárim Másimovty ataýǵa bolatyndyǵyn aıtqymyz keledi», - dep jazady gazet.
Eski zamannan beri ártúrli mádenıetterde úlken murttar jaýyngerlerdiń mindetti atrıbýty boldy. Murtsyz álemge belgili kóptegen tulǵalardy elestetý múmkin emes, máselen - Chapaevty, Enshteındi, Nıkıta Mıhalkovty, Salvador Dalıdi, Charlı Chaplın men Stalındi.
