Qazaqstandyqtar munaıly elder boksshylaryna namysty qoldan bermedi
ASTANA. QazAqparat - Reseıdiń Nıjnevartovsk qalasynda munaıly elder arasyndaǵy álem kýbogy máresine jetti.
XIV ret uıymdastyrylǵan Sotsıalıstik Eńbek Eri Farman Salmanovty eske alýǵa arnalǵan týrnırge álemniń 13 elinen 148-den astam bylǵary qolǵap sheberi qatysty, dep habarlaıdy QazAqparat dodasport.kz saıtyna silteme jasap.
Halyqaralyq dodada bıyl sportshylarymyz 1 kúmis jáne 2 qola medal enshiledi. Jarys qorytyndysy boıynsha jeńimpazdarǵa Halyqaralyq dárejedegi sport sheberi ataǵy berilip, júldegerlerge aqshalaı syıaqylar tabystaldy.
52 keli salmaq dárejesinde Salaýatov Rashıd fınalǵa deıin jetip, kúmis júldeger atandy. 75 kelide synǵa túsken Amandyq Manashev «qolaǵa» ıe boldy. Áıelder arasyndaǵy básekede Nazym Işanova da úshinshi orynnan kórindi.
Esterińizge sala keteıik, byltyr Hanty-Mansıısk qalasynda ótken saıysta 60 keli salmaqta astanalyq Darhan Jumsaqbaev pen 69 kelide kúsh synasqan atyraýlyq Azamat Dosmaǵambetov kúmis júldeger atanǵan bolatyn.
