Qazaqstandyqtar mýaıtaıdan ótken álem birinshiliginde 12 medal oljalady
ASTANA. QazAqparat - Taıland Koroldiginiń astanasynda tamyz aıynyń 3-11 aralyǵynda mýaıtaıdan jasóspirimder men jastar arasynda álem chempıonaty bolyp ótti, dep habarlaıdy «QazAqparat» HAA tilshisi Federatsııasynyń baspasóz qyzmetine silteme jasap.
Qazaqstannyń atynan atalǵan jarysqa 18 sportshy qatysyp, onyń 12-i júldege ilikti. Atap aıtqanda, Ivan Partala álem chempıony atansa, Shámil Ermaǵambetov, Shyńǵyshan Ybraı, Hýseın Abdýlaev, Rymbek Seıitbek, Baýyrjan Muhamedálı, Davıd Isakov pen Rahat Bınazar kúmis medalǵa qol jetkizdi. Al qola júldege Erdana Ertýǵanov, Aleksandr Tsarıkov, Nursultan Aıýpov pen Dmıtrıı Komar ıe boldy.
Qazaqstan quramasynyń sátti ónerine taılandyq jattyqtyrýshylary ótkizgen Koh Samýı aralyndaǵy 18 kúndik oqý-jattyǵý sep bolyp otyr.
Saıys barysynda qazaqstandyq sportshylarǵa reseılik jáne taılandtyq ókilder edáýir qarsylyq kórsetken. Chempıonatqa barlyǵy 79 elden myńǵa tarta sportshy qatysqan.
