Qazaqstandyqtar mobıldik qosymsha arqyly salyq jáne aıyppul tóleı alady

NUR-SULTAN. QazAqparat - QR QM Memlekettik kirister komıtetinde habarlaǵandaı, 2021 jylǵy 23 sáýirden bastap eSalyq Azamat Salyq ámııany mobıldi qosymshasynda rekvızıtterdi ózdiginen tańdaý jolymen salyqtardy tóleý servısi iske asyryldy, dep habarlaıdy QR Qarjy mınıstrliginiń Memlekettik kirister komıteti.

Qosymshany App Store jáne Play Market-ten júktep alýǵa bolady.

Servıs jeke tulǵalarǵa tóleýdiń kelesi rekvızıtterin ózdiginen tańdaý jolymen salyqtardy tóleýge múmkindik beredi: bıýdjettik synyptama kody (BSK), tólemniń maqsat kody (TMK), memlekettik kirister organynyń nemese jergilikti ózin-ózi basqarý organynyń kody (MKO/JÓB), somalar

«Jeke tulǵalardyń múlik salyǵy, jer salyǵy, kólik quraldarynyń salyǵy sııaqty negizgi salyqtarmen qatar, kásipkerlik qyzmetiniń salyqtaryn, keden tólemderin, memlekettik baj, alymdar, sondaı-aq ákimshilik aıyppuldar, jekeshelendirý, jer satýdan tólemder jáne t.b. tóleý múmkindigi berildi», - dep habarlady MKK-de.