Qazaqstandyqtar MMA-dan Azııa chempıonatynyń jartylaı fınalyna shyqty
ASTANA. QazAqparat - Sıngapýrde qazaqstandyq 8 palýan MMA boıynsha Azııa chempıonatynyń jartylaı fınalyna shyqty, dep habarlady «QazAqparat» HAA Qazaqstan MMA federatsııasyna silteme jasap.
Jarysqa barlyq qurlyqtan 15 elden 66 sportshy qatysty. MMA-dan ulttyq quramamyz segiz salmaq sanatynda toǵyz palýannan quraldy.
Chempıonattyń alǵashqy jarys kúni - eki jeńis, bir jeńilis nátıjesimen ótti. Chehııalyq ıAkýb Tıchetaǵa qarsy jekpe-jekte atyraýlyq Jahar Shaphatov óz áleýetin kórsete almaı, sýdıalardyń biraýyzdy sheshimimen jeńilip qaldy. Ekinshi jekpe-jekte almatylyq Jan Kenjebaev sýdıalardyń biraýyzdy sheshimimen malaızııalyq Djeıs Loýdan basym tústi. Qazaqstan quramasynyń qanjyǵasyna ekinshi jeńisti elordalyq palýan Meırambek Demeýbaev ákeldi. Ol shvedtik Denıel Karlsondy merziminen buryn, tehnıkalyq nokaýtpen aıaqtady.
Jarystyń ekinshi kúni ulttyq qurama úshin sátti boldy. Qazaqstandyq sportshylar barlyq bes jekpe-jekte jeńis tuǵyrynan kórindi.
Ekinshi kúni astanalyq palýan Ernaz Musabek jeńiske jetti. Ol birinshi raýndty aıqastyń otyzynshy sekýndynda aıaqtap, úndistandyq sportshy Sıddık Bın Mahmýdty jyqty.
Atyraýlyq palýan Oljas Moldaǵalıev sýdıalardyń biraýyzdy sheshimimen avstralııalyq Jan Aleksandr Romanodan basym tústi. OQO-dan Bekzat Jası japondyq Katsýokı Aoıagıge myqtylyǵyn kórsetti. Jeńister serııasyn birinshi raýndtyń ekinshi mınýtynda tunshyqtyrý tásilimen lıvandyq Elı Zgeıbti jeńgen Djohar Taımushanov jalǵastyrdy. Jan Kenjebaevtyń chehııalyq Darek Dýsılge qarsy jekpe-jegi de qazaqstandyqtyń paıdasyna sheshildi.
Eki kúnniń qorytyndysy boıynsha qazaqstandyq 9 palýannyń 8-i jartylaı fınalǵa shyqty. Ol 15 maýsymda ótedi.
