Qazaqstandyqtar MMA boıynsha Azııa chempıonatynda aldyna jan salmady
ASTANA. QazAqparat - Qazaqstannyń MMA quramasy áýesqoılar arasynda ótken Azııa chempıonatynda birinshi oryndy jeńip aldy, dep habarlaıdy QazAqparat «SPORTINFORM» SAA-ǵa silteme jasap.
Qytaıdyń Harbın qalasynda MMA boıynsha Azııa chempıonaty aıaqtaldy. Onda qazaqstandyq sportshylar úsh altyn, bes kúmis jáne bir qola medaldy qorjynǵa saldy.
Nurjamal Sadyqova (52 kg), Aslan Oraz (70 kg) jáne Nurnııaz Kóshbaevtar (+93kg) altyn medaldy ıelense, Aqbóbek Erǵalıeva (61kg), Talǵat Jumaǵalıev (56.7kg), Dastan Amangeldi (61.2kg), Nurbek Qabdrahmanov (65.8kg) jáne Murat Ábdirahmanov (93kg) kúmisti enshiledi.
Dýman Balmuhanov (84 kg) qolany qanaǵat tutty.
Osylaısha, qazaqstandyqtar jalpykomandalyq esepte birinshi oryndy ıelendi. Ekinshi oryn Qytaıǵa, úshinshi oryn Qyrǵyzstan ókilderine buıyrdy.
