Qazaqstandyqtar menshik ıeleri birlestigin onlaın tirkeı alady

ASTANA. QazAqparat – Qazaqstandyqtar menshik ıeleri birlestigin (MIB) onlaın rejımde tirkeı alady. Bul týraly Ádilet mınıstrliginiń resmı ókili Talǵat Ýálı málim etti, dep habarlaıdy QazAqparat.

«Ádilet mınıstrligi Memleket basshysynyń tapsyrmasyn oryndaý maqsatynda Digital Justice portfeli aıasynda jańa jobany iske qosty. Endi qazaqstandyqtar MIB-ti onlaın rejımde tirkeý múmkindigine ıe boldy.

Buryn qazaqstandyqtar MIB tirkeý jáne onyń tóraǵasyn saılaý úshin úı turǵyndarymen birneshe ret kezdesip, ádilet organdaryna tıisti ótinish berip, kóp ýaqyt jumsaıtyn. Endi uıaly telefondaǵy mobıldik qosymsha arqyly onlaın-ótinim berýge bolady. Bul qyzmet «Ýpravdom» JShS qosymshasynda qoljetimdi», - deıdi ol.

Talǵat Ýálıdiń aıtýynsha, bul joba arqyly onlaın formatta daýys berýge bolady. Bul turǵyndardyń qoltańbalaryn onlaın jınaýǵa, daýystardy, kvorýmdy avtomatty túrde sanaýǵa jáne elektrondyq hattamany avtomatty túrde toltyrýǵa múmkindik beredi.

«Sondaı-aq úıdiń tóraǵasy, hatshysy jáne Keńes músheleri qol qoıǵan elektrondyq hattama «Zańdy tulǵalar» memlekettik derekqoryna MIB-ti elektrondyq tirkeý úshin joldanady. Joba eń aldymen, MIB qyzmetiniń ashyqtyǵy, alaıaqtyq áreketterdi boldyrmaý, úıdi basqarý kezinde protsesterdi avtomattandyrý, qaǵaz qujat aınalymynan arylýǵa múmkindik beredi. Budan basqa, azamattarǵa qolaıly bolý úshin basqa da IT-sheshimderdi ulǵaıtý boıynsha jumystar jalǵasa bermek. Ádilet mınıstrligi halyqqa qyzmet kórsetýdi jaqsartý úshin reformany iske asyrýdy odan ári jetildire beredi», - resmı ókil.

Aıta keteıik, Qazaqstanda páter ıeleriniń kooperatıvteri (PIK) ornyna turǵyn úıdi basqarýdyń jańa formalary engizildi:

- menshik ıeleri birlestigi (MIB) – zańdy tulǵa retinde tirkelý;

- qarapaıym seriktestik – zańdy tulǵa retinde tirkelmeı, barlyq menshik ıesimen tikeleı birlesip basqarý formasy.

Kópqabatty baspana turǵyndary endi «bir úı – bir birlestik – bir esepshot» qaǵıdasyna sáıkes óz úıin ózi basqaratyn bolady.