Qazaqstandyqtar «Meniń týym» aktsııasyna belsendi atsalysýda

NUR-SULTAN. QazAqparat - Áleýmettik jelilerde #MenińTýym #MoıFlag heshtegimen bastalǵan aýqymdy aktsııa óz jalǵasyn taýyp keledi. Qazirge deıin 700-ge tarta adam Qazaqstan Respýblıkasynyń memlekettik rámizderimen selfı túsirip, álemjelige salyp úlgergen, dep habarlaıdy QazAqparat tilshisi.

Áleýmettik jelilerdegi jazbalarynda osylaısha otandastarymyz eline degen súıispenshilikterin jetkizýge tyrysyp jatyr. Aktsııaǵa qatysýshylardyń kóbi - qazaqstandyq jáne sheteldik joǵarǵy oqý oryndarynyń stýdentteri. Qatysýshylardyń keıbiri bizdiń týymyz - Otanymyzdyń bir bólshegi ekenin, kók týdyń jelbiregeni - janyna qýat beretinin jazyp, jazbalaryn bólisýde.



Al mektep oqýshylary sońǵy qońyraýda túsken fotosýretterin jarysa jarııalap jatyr. Fotosýretterde túlekter Qazaqsan Respýblıkasynyń Memlekettik týyn kóptep túsirýge tyrysqan. Aktsııaǵa qatysýshy eresekterdiń kóbi týdyń aıasynda túsken fotosýretterin bólisken.
Jazbada aqyndardyń otty óleńderin jarııalaýdy umytpapty.
Aktsııa fotosýrettermen shektelip qalmapty. Bastama aıasynda keıbir qoldanýshylar vıdeorolıkter jarııalap, óz Otanyna degen súıispenshilikterin aıtýda.



#MenińTýym #MoıFlag heshtegimen alǵashqy jazbalar áleýmettik jelide bir aı buryn paıda bolǵan edi. Sodan beri ártúrli saladaǵy myńdaǵan qazaqstandyq azamat aktsııaǵa belsendi túrde atsalysýda.
Aıta ketsek, Táýelsiz Qazaqstannyń memlekettik rámizderi osydan 27 jyl buryn, 4 maýsym kúni bekitilgen bolatyn. Sodan beri atalmysh datany barsha qazaqstandyqtar aıtýly mereke retinde atap ótip keledi.