Qazaqstandyqtar memlekettik qyzmettiń sapasyna qanshalyqty baǵa beredi

NUR-SULTAN. QazAqparat – Memlekettik qyzmetterdi kórsetý sapasyna halyqtyń kóńili tola ma? Atalǵan saýalǵa qatysty QR Esep komıtetiniń tóraǵasy Natalıa Godýnova óz oıymen bólisti, dep habarlaıdy QazAqparat tilshisi.

«Prezıdent tapsyrmasy boıynsha memlekettik organdar jumysynyń tıimdiligi men olar kórsetetin qyzmettiń sapalylyǵyn anyqtaýda táýelsiz áleýmettik pikirdi eskerý qaıta jandanady. Áleýmettik aýdıtte táýelsiz pikir nátıjesi ol memlekettik qyzmetterdi alýshylarmen keri baılanysty qamtamasyz etedi. Mysaly, ótken jyly táýelsiz áleýmettik pikir qorytyndysy boıynsha qazaqstandyqtardyń 70 paıyzy kórsetiletin memlekettik qyzmettiń sapasyna qanaǵattanatyn bolyp shyqty», - dedi Natalıa Godýnova.

Sondaı-aq, komıtet basshysy «Elektrondy úkimet» portalynyń qyzmetine toqtaldy.

«Atalǵan portal qyzmetiniń álemdik reıtıngte oń serpinge qaramastan (2019 jylmen salystyrǵanda 2020 jyly 193 eliniń arasynda 39-dan 29-orynǵa kóterildik), ótken jyldyń qorytyndysynda azamattardyń áleýmettik járdemaqyny rásimdeý men memlekettik kómekke ótinim berýde klıentterdiń júktemesine tótep bere almaǵan «Elektrondyq úkimet» portal qyzmetine neǵurlym nashar baǵa berildi», - deıdi ol.

Buǵan deıin Esep komıtetiniń tóraǵasy N. Godýnova elimizdiń bıýdjet shyǵynyna qatysty málimettermen bólisti.