Qazaqstandyqtar memlekettik qyzmetti mobıldi qosymsha arqyly jıi alady - Mýsın
«Búginde elektrondy qyzmetter sany boıynsha, oń ózgeristi baıqap otyrmyz. Sonymen qatar EGov Mobile mobıldik qosymshasynda da elektrondy qyzmetterdi paıdalaný eki esege ósken. Budan bólek, tsıfrlyq servıster azamattar arasynda keń suranysqa ıe. Máselen, tsıfrlyq qujattar osy jyldyń 5 aıynda 6 mln-nan astam valıdatsııalaǵanyn atap ótken jón. Jalpy bul memorogandar men mekemelerdiń tsıfrlyq qujattardy keńinen qoldanýyn aıǵaqtaıdy», - dedi Baǵdat Mýsın Úkimettiń búgingi otyrysynda.
Mınıstrdiń aıtýynsha, qazir azamattarǵa 18 qujat ózge tsıfrlyq platformalarda qoljetimdi: olar Kaspı, Hoým bank jáne t.b. Osy jyldyń sońyna deıin eń tanymal 20 memlekettik qyzmetti syrtqy platformalarǵa shyǵarý josparlanǵan.
«Sondaı-aq, SMS arqyly zańsyz tirkelý máselesin sheshtik. Baılanys ortalyǵynyń kútý ýaqytyn 5 mınýttan 20 sekýndqa deıin qysqarttyq. Azamattardy qujattandyrý boıynsha adamı faktorsyz usynylatyn, jańa perspektıvalyq jobany iske asyrýdamyz. Eger búgingi tańda ortasha eseppen 20-30 mınýt ketse, termınaldardy ornatqan soń protsess 5-10 mınýtqa deıin qysqarady», - dedi B. Mýsın.
Sonymen birge, «Vıdeo HQO» jobasy azamattarǵa keńes alýdan bólek, TsON-ǵa júginbeı-aq qyzmetti qashyqtan alýǵa múmkindik beredi. Osy tásil arqyly 13 qyzmet qoljetimdi, al jyl sońyna deıin 63 qyzmetke deıin ósedi.
«Osyǵan oraı, memorgandarmen birlesip, 2025 jylǵa deıin azamattarǵa konsýltatsııa jáne qyzmet kórsetýdi osy «Vıdeo HQO» tásili arqyly usynýdy josparlap otyrmyz», - dedi Tsıfrlyq damý mınıstri.
Buǵan deıin Baǵdat Mýsın memlekettik qyzmetterdiń 93% onlaın túrde qoljetimdi ekenin aıtqan edi.