Qazaqstandyqtar memlekettik kómekqarjyǵa HQKO arqyly ótinim bere alady
ALMATY. QazAqparat- Qazaqstanda zańdy tulǵalar men jeke tulǵalar aýyl sharýashylyǵy salasy boıynsha beriletin memlekettik kómekqarjyny Halyqqa qyzmet kórsetý ortalyqtary arqyly rásimdeı alady. Bul týraly búgin «Halyqqa qyzmet kórsetý ortalyǵy» memlekettik kásipornynyń baspasóz qyzmetinen habarlady.
Eger buryn bul qyzmetterdi rásimdeý úshin sol qyzmetti kórsetýshi uıymnyń keńsesine júginý qajet bolatyn. Al qazir, bul qyzmetter Halyqqa qyzmet kórsetý ortalyqtary arqyly qoljetimdi bolyp otyr. Olardyń úsheýin tipti elektrondy úkimettiń ınternet portaly arqyly rásimdeýge bolady.
Halyqqa qyzmet kórsetý ortalyqtary memlekettik qarajattandyrý boıynsha qajetti qujattardy ózderiniń ádettegi jumys ýaqyttary boıynsha - ıaǵnı, aptasyna 6 kún, úzilissiz tańǵy saǵat 09:00-den keshki saǵat 20:00-ge deıin qabyldaıdy.
«Halyqqa qyzmet kórsetý ortalyqtary arqyly memlekettik qarajattandyrý boıynsha kórsetiletin qyzmetterdiń 8 túrin alýǵa bolady. Olardyń ishinde - aýyl sharýashylyǵy óndirýshilerine sý jetkizý boıynsha kórsetiletin qyzmetterdiń baǵasyn, aýyl sharýashylyǵy daqyldaryn óńdeýge arnalǵan gerbıtsıdter men bıopreparattardyń baǵasyn, asyl tuqymdy janýarlardy ósirý, jemis-jıdek daqyldary jáne júzimdi ósirý shyǵyndaryn, tuqym sharýashylyǵyn damytý shyǵyndaryn, tyńaıtqyshtar baǵasyn, aýyl sharýashylyǵy daqyldaryn kútip-baptaý, sondaı-aq, ósimdik sharýashylyǵyn damytý men ónimderdiń sapasyn arttyrýǵa ketken shyǵyndardy qarajattandyrý boıynsha kórsetiletin qyzmetter», - dedi óz sózinde «Halyqqa Qyzmet Kórsetý Ortalyǵy» memlekettik kásipornynyń bas dırektory Ásemgúl Baltasheva.
Memlekettik qyzmetterdiń kórsetilý merzimi kúrdeliligine qaraı 6 kúnnen 41 kúnge deıingi ýaqytty alady.
Alaıda, qujattardy tapsyrý kúni esepke alynbaıdy.
Qajetti qujattar týraly aqparatty elektrondy úkimettiń con.gov.kz dep atalatyn resmı saıty arqyly nemese tegin túrde «1414» nómiri arqyly habarlasyp bilýge bolady. Qarajattyndyrý boıynsha kórsetiletin qyzmetter tegin.
Halyqqa qyzmet kórsetý ortalyqtary ashylǵaly beri olarda kórsetiletin memlekettik qyzmetterdiń sany búginde 212-ge jetti. Al bıznes-úderisterdi ońtaılandyrý - kórsetiletin memlekettik qyzmetterdi alýǵa arnalǵan qujattardyń sanyn azaıtýǵa, rásimdeý jáne kútý ýaqytyn qysqartýǵa múmkindik berdi.
Búginde elimizde 270 Halyqqa qyzmet kórsetý ortalyqtary jumys isteıdi.
