Qazaqstandyqtar Memleket basshysyna ózderiniń bastamalary týraly kóptep jazady - QR Prezıdentimen «tikeleı jeli»
ANA. Qarashanyń 3-i. QazAqparat /Damır Baımanov/ - Qazaqstandyqtar Memleket basshysy Nursultan Nazarbaevqa óz bastamalary týraly kóptep jazady. QR Prezıdentimen «tikeleı jeli» call-ortalyǵynda osyndaı úrdis baıqalýda.
Mysaly, Almaty qalasynan Vladımır Dolgov balalardyń mamandandyrylǵan kınoteatrlarynyń memlekettik jelisin jandandyrýdy, al Ábdiqadyr Biláluly «Barys eli» memlekettik mýltfılmder stýdııasyn qurýdy usynady.
Jalpy alǵanda, el turǵyndaryn alýan-túrli suraqtar - sporttyń aeroklýbtyq túrin damytý, Qazaqstandaǵy áserı-ónerkásiptiń perspektıvasynan bastap, oıyn aımaqtarynyń qyzmetterine deıingi máseleler qyzyqtyrady.
Qazirgi ýaqytta Memleket basshysynyń atyna kelip túsken suraqtardyń sany 5 myńnan asty. Halyqty áleýmettik qorǵaý salasy eń kókeıkesti bolyp qalyp otyr. Osy aıdarda myńnan astam suraqtar tirkeldi. Odan keıingi orynda turǵyn úı qurylysy jáne turǵyn úı -kommýnaldyq sharýashylyǵy - osy salalar boıynsha myńǵa jýyq qazaqstandyqtar suraqtar qoıǵan, sondaı-aq zańdardyń jáne quqyqtyq tártiptiń saqtalýy da nazardan tys qalmaǵan.
Belsendi aımaqtar úshtiginde Astana, Almaty jáne Almaty oblysy bar. Call-ortalyǵynyń operatorlary barynsha kóp suraqtar qabyldaǵan - olar 3 myńnan asady. SMS-suraqtardyń sany 150-den asty. Resmı saıt arqyly 1,5 myńnan astam suraqtar jiberilgen.
Halyqtyq daýys berý arqyly eń tanymal delingen suraqtarǵa QR Prezıdenti N.Nazarbaev 2009 jylǵy qarashanyń 13-inde «Qazaqstan», «Habar», «Astana» telearnalarynda, «Habar», «Shalqar», «Qazaq radıosy», «Astana qalasynyń radıosy» radıoarnalarynda tikeleı efırde jaýap beretinin esterińizge salamyz.
Bul ýaqytqa deıin árkim óz suraqtaryn respýblıka boıynsha biryńǵaı +7 (7172) 555-777 telefon nómiri arqyly qoıa alady, KSell, Beeline, Neo, Altel uıaly baılanysty paıdalanýshylar úshin 1111 nómirine SMS-habarlama arqyly jiberýge, www.line.gov.kz saıtynyń tıisti bólimin paıdalana otyryp Internet boıynsha árkim óz beınesuraqtaryn qoıýyna bolady. Sonymen qatar, vopros@akorda.kz elektrondy meken-jaıǵa árkim óz suraqtaryn qoıa alady.
Barlyq baılanys arnalary múldem tegin usynylady jáne elimizdiń kez kelgen núktesinen táýlik boıǵy formatta qol jetimdi bolady. Suraqtardy qabyldaý úshin arnaıy call-ortalyǵy qurylǵan, onyń qyzmetkerleri suraqtardy qarashanyń 13-in qosa alǵandaǵy kúnge deıin qabyldaıdy.
