Qazaqstandyqtar medıtsınalyq mekemelerde dórekilik pen uzyn-sonar kezekterdiń bolmaǵanyn qalaıdy - S.Tursynov
ASTANA. Qyrkúıektiń 22-si. QazAqparat /Asqar Bımendın/ - QR Úkimetinde Qazaqstan Prezıdenti janyndaǵy adam quqyqtary jónindegi komıssııanyń otyrysy bolyp ótti.
Bul joly keńestik-usynystyq organ QR Densaýlyq saqtaý mınıstrliginiń azamattardyń densaýlyǵyn saqtaýǵa jáne bilikti medıtsınalyq kómek alýǵa degen konstıtýtsııalyq quqyqtarynyń qamtamasyz etilýine qatysty qyzmeti qarastyryldy.
«Meni tolǵandyratyn bir másele: bizde, Qazaqstanda qashan myqty medıtsınalyq dıagnostıka paıda bolady jáne medıtsınalyq mekemelerde mádenıetti qyzmet kórsetýge qashan qol jetkizemiz?», - dep saýal tastady Densaýlyq saqtaý mınıstrliginiń jaýapty hatshysyna komıssııa tóraǵasy Saǵynbek Tursynov.
Ol atap ótkendeı, qazaqstandyqtar medıtsınalyq mekemelerde dórekilik pen uzyn-sonar kezekterdiń bolmaǵanyn jáne ár adamǵa naqty ýaqyt belgilenip berilgenin qalaıdy.
«Taǵy bir kókeıkesti másele - dıagnostıkanyń álsizdigi, bir qalanyń ishinde úsh jerde dárigerler aýrýǵa úsh túrli dıagnoz qoıady», - dep atap ótti S.Tursynov.
