Qazaqstandyqtar Máskeýdegi saılaý ýchaskesine tańǵy 6-dan jınalǵan

NUR-SULTAN. QazAqparat – Jeksenbi kúnine qaramastan, alǵashqy saılaýshylar Qazaqstannyń Máskeýdegi Elshiligi ǵımaratynyń aldynda tańǵy saǵat 6-dan bastap jınaldy.

Mundaı aqparatty QR Syrtqy ister mınıstrligi usyndy, dep habarlaıdy QazAqparat tilshisi.

«Men búgin ózimniń azamattyq paryzymdy oryndaýǵa keldim. Dál qazirgi sátte Otanymnan jyraqta júrmin. Máskeýde oqydym, qazir osynda jumys isteımin. Ótip jatqan Májilis saılaýy Qazaqstannyń odan ári damýyn aıqyndaıdy. Otanymyzdyń bolashaǵy berilgen árbir daýysqa baılanysty. Sondyqtan barsha qazaqstandyqtardy búgin saılaýǵa kelip, daýys berýge shaqyramyn», - dedi Máskeýde birinshi bolyp daýys bergen azamat Ádil Sarıev.