Qazaqstandyqtar mamyrda ǵaryshtan keletin qaýip týraly qaýeset taratýda

NUR-SULTAN. QazAqparat – Áleýmettik jeliler men messendjerlerde qazaqstandyqtar alańdatarlyq jańalyqpen bólisýde: bıyl 6 mamyrda Jerge úlken meteorıt qulaıdy, ol dınozavrlar quryp bitken zamannan bergi eń qaýipti bolady. Tipti NASA mamandary aldyn ala eskertken de kórinedi. Stopfake.kz portaly bul jańalyqtan qorqýdyń qajeti joq ekendigin túsindirdi, dep habarlaıdy QazAqparat.

Bul jerde 2009 jyly anyqtalǵan meteorıt týraly aıtylyp otyr. Ol 2009 JF1 dep atalady.

Mamandardyń baǵalaýynsha, meteorıttiń kólemi salystyrmaly túrde shaǵyn – dıametri nebári 10 metr. 2013 jyly Chelıabi mańynda qulaǵan asteroıdtyń kóleminen az.

Bul turǵyda «kólemi mysyrlyq pıramıdadaı» degen sóz manıpýlıatıvti sıpatta qoldanylyp otyr, óıtkeni ol oqyrmandardy adastyrady. Mysyrda kólemi ártúrli jalpy 118 pıramıda, onyń ishinde óte kishkentaılary da bar. Gızadaǵy eń úlken pıramıdanyń bıiktigi 147 metrge jetedi, bul 2009 JF1 asteroıdiniń kóleminen birneshe ese artyq.
Ǵalymdardyń boljamynsha, 2022 jylǵy 6 mamyrda onyń Jerge qulaýy múmkin ekendigi ras, biraq mundaı oqıǵanyń oryn alý yqtımaldyǵy 1/140 myńǵa teń. Asteroıdtyń planetamyzdyń janynan ushyp ótý yqtımaldyǵy áldeqaıda joǵary.
Demek, Jerdegi tynys-tirshilikti joıatyn úlken meteorıt týraly alańdatarlyq jańalyqtardyń taqyryptary – asyra silteý jáne manıpýlıatsııa. 2009 jf1 meteorıti – salystyrmaly túrde kishkentaı jáne onyń Jermen soqtyǵysý yqtımaldyǵy óte tómen.