Qazaqstandyqtar mamyr aıynda baǵanyń ósýin kútýde - QR Ulttyq bank
ASTANA. QazAqparat - Respondentterdiń 53%-y 2017 jylǵy mamyrda baǵa ósýin kútýde, olardyń kópshiligi baǵa azdap ósedi dep boljaıdy. Bul týraly QR Ulttyq banki taratqan habarlamada keltirilgen.
Halyqtyń kelesi 12 aıda baǵa ósýine qatysty kútýleri naýryzben salystyrǵanda shamamen ósti. Bir jyldan keıin ınflıatsııanyń deńgeıin 10%-dan joǵary baǵalaıtyndardyń úlesi birshama ósýine qaramastan, baǵa ósimine 10%-dan kem baǵalaıtyndardyń úlesi pikirterim ótkizýdiń basynan beri (2016 jylǵy qańtar) joǵarǵy deńgeıde tur. Bolashaqtaǵy ınflıatsııany 6-10%-dyq aralyqta baǵalaıtyndardyń úlesi 23%-dan 28%-ǵa deıin óskenin atap erekshe ótken jón, delingen habarlamada.
2017 jylǵy sáýirde kvantıfıkatsııanyń yqtımaldylyq ádisiniń kómegimen eseptelgen ınflıatsııalyq kútýler keıbir ulǵaıtýlarǵa qaramastan jetkilikti túrde turaqty bolyp qalyp otyr. Máselen, suraý salýdyń nátıjeleri boıynsha bir jyl buryn ınflıatsııany sandyq baǵalaý 2017 jylǵy naýryzben salystyrǵanda 0,3 p.t. ulǵaıyp, 6,4%-dy qurady jáne 2018 jylǵa 5-7% nysanaly dáliz ishinde tur.
Sáýirde halyq arasynda ınflıatsııalyq kútýlerdi baǵalaý boıynsha júrgizilgen pikirterimniń nátıjeleri boıynsha qabyldanatyn jyldyq ınflıatsııa jáne ótken aıdaǵy ınflıatsııa turaqty deńgeıde bolyp otyr. Pikirterimge qatysýshylar ınflıatsııanyń negizgi kózi retinde tamaq ónimderi baǵasynyń ósýin atap ótedi.
