Qazaqstandyqtar mamyr aıynda 1,4 myńnan astam altyn quıma satyp alǵan
NUR-SULTAN. QazAqparat – El turǵyndary 2020 jylǵy mamyr aıynda 1 467 altyn quıma satyp aldy, dep habarlaıdy QazAqparat QR Ulttyq bankiniń baspasóz qyzmetine silteme jasap.
«2020 jylǵy mamyrda el turǵyndary ekinshi deńgeıdegi bankterden jáne aıyrbastaý pýnkterinen jalpy salmaǵy 62 165 gramm 1 467 ólshemdi quıma satyp aldy. Barlyǵy 2017 jyldan bastap jalpy salmaǵy 845 060 gramm 25 968 ólshemdi quıma satyldy», delingen habarlamada.
Altyn quımalary 5, 10, 20, 50 jáne 100 gramdyq bolyp bes salmaqta satylǵan. Sonyń ishinde eń kóp satylǵany 10 gramdyq quımalar.
Altyn quıma satyp alýda Almaty qalasy (satylǵan quımalardyń jalpy sanynyń 50,3%), odan keıin Atyraý (18,4%), Nur-Sultan (11,4%) kóshbastady. Basqa óńirler bul kórsetkish 19,9% boldy.
Jalpy salmaǵy 3 010 gramm 106 quıma keri ótkizildi.
Qazirgi kezde altyn quımalaryn Halyk Bank-ten, Eýrazııalyq ankten, Jýsan Bank-ten, Bank TsentrKredıtten, sondaı-aq aıyrbastaý pýnkterinen satyp alýǵa jáne olardy qaıta ótkizýge bolady.
Árbir quıma qorǵanysh elementterimen (quımalardyń bet jaǵy aınadaı, mıkromátin jáne bederli gýrt) jáne quımalardy mehanıkalyq zaqymdanýdan qorǵaıtyn jáne oraýy ashylǵanyn nemese ashylmaǵanyn tez anyqtaýǵa múmkindik beretin arnaıy oraýda shyǵarylady. Qorǵanysh oraýy quıma sapasynyń sertıfıkatyn bildiredi.
2020 jylǵy 5 maýsymdaǵy málimet boıynsha altynnyń 1 gramy 21 918,57 teńge boldy.
