Qazaqstandyqtar mádenı sharalarǵa kóbirek bara bastady
NUR-SULTAN. QazAqparat – Qazaqstanda óner men demalysqa quıylatyn ınvestıtsııa bir jarym esege ósip, rekordtyq 119 mıllıard teńgege jetti. Bul týraly QazAqparat finprom.kz saıtyna silteme jasap habarlaıdy.
«Sektordaǵy qarajattyń tórtten biri elordaǵa tıesili. Óner, oıyn-saýyq jáne demalys salasyndaǵy negizgi kapıtalǵa bólingen ınvestıtsııa 2019 jyldyń qańtar-qazan aılarynda rekordtyq 118,9 mlrd teńgege jetti. Ol ótken jyldyń osy kezeńimen salystyrǵanda 53,5%-ǵa artyq (NKI – 147,9%). Negizgi kapıtaldaǵy barlyq ınvestıtsııadan sektor ınvestıtsııasynyń úlesi bir jyl ishinde 0,9%-dan 1,2%-ǵa ósti», - delingen habarlamada.
Jalpy 2018 jyly demalys pen oıyn-saýyqqa bólingen ınvestıtsııa kólemi 104,2 mlrd teńgeni qurady, ol 2017 jylmen salystyrǵanda 38,7%-ǵa kóp.
Aımaqtar arasynda sektordaǵy negizgi kapıtalǵa bólingen ınvestıtsııanyń eń kóp bóligi Nur-Sultan qalasyna tıesili, ıaǵnı 29,3 mlrd teńge ol ótken jyldyń osy kezeńimen salystyrǵanda bir jarym esege kóp.
Ekinshi orynda Shyǵys Qazaqstan oblysy: 21,7 mlrd teńge – 2018 jyldyń qańtar-qazan aılarymen salystyrǵanda 27%-ǵa artyq. Úzdik úshtikti Almaty oblysy túıindeıdi- 19 mlrd teńge, jyldyq ósim – 27,2%.
