Qazaqstandyqtar Londondaǵy saılaý ýchaskesinde daýys berip jatyr
ASTANA. QazAqparat - Ulybrıtanııada júrgen Qazaqstan azamattary Londondaǵy QR Elshiliginde ornalasqan №194 saılaý ýchaskesinde daýys berip jatyr.
20 naýryzda Grınvıch ýaqytymen tańǵy saǵat 7.00-de Ulybrıtanııa Birikken Koroldigi men Soltústik Irlandııadaǵy Qazaqstan Elshiligi janyndaǵy №194 ýchaskelik saılaý komıssııasy óz jumysyn bastady.
Ádettegideı, tańerteń Qazaqstan Respýblıkasynyń ánurany shyrqaldy.
Birikken Koroldik aýmaǵynda turyp jatqan saılaýshylardyń basym bóligi Ulybrıtanııa JOO-larynda bilim alyp jatqan stýdentter, sonyń ishinde «Bolashaq» prezıdenttik baǵdarlamasynyń stıpendıattary, dep atap ótti QR Elshiliginde.
Daýys bergen soń qazaqstandyqtarǵa saılaý men Naýryz merekesi qarsańynda arnaıy daıyndalǵan ulttyq taǵamnan dám tatý usynylǵany atalyp ótildi.
