Qazaqstandyqtar qyzmetterdi elektrondyq formatta alýdy jón sanaıdy
Memleketik qyzmet isteri jáne sybaılas jemqorlyqqa qarsy is-qımyl agenttigi Memlekettik qyzmetter kórsetý departamentiniń dırektory Ádilbek Muqashev brıfıngte málimdegendeı, aǵymdaǵy jyldyń І toqsanynda memlekettik organdar halyqqa 46,8 mln memlekettik qyzmet kórsetken, bul ótken jyldyń dál osyǵan uqsas kezeńimen salystyrǵanda 18%-ǵa kóp.
Atalǵan kórsetilgen qyzmetterdiń sanynyń 48%-y elektrondyq formatta, 25%-y - Memlekettik korporatsııa arqyly kórsetilgen.
Bul rette, 78,5%-y elektrondyq memlekettik qyzmetterdiń óskendigi bilinedi, sondaı-aq, «bir tereze» qaǵıdaty negizinde jumys jasaıtyn ortalyqtary arqyly kórsetilgen memlekettik qyzmetter 3 esege artqan.
Aǵymdaǵy jyly memlekettik organdarmen tikeleı qaǵaz túrinde kórsetiletin memlekettik qyzmetterdiń úlesi 27%-dy qurady, al 2016 jyldyń dál osyǵan uqsas kezeńinde - 56% kórsetilgen.
«Agenttik ýákiletti organdarmen birlesip, azamattardyń kórsetiletin qyzmetterdi berýshilerge tikeleı júginý faktilerin joıýǵa qatysty sharalar qabyldaýda. Agenttik jáne onyń aýmaqtyq departamentterimen 13 ishinara jáne azamattardyń ótinishteri negizinde 110 jospardan tys tekserý júrgizildi. Nátıjesinde zańnamanyń, sondaı-aq memlekettik qyzmetter kórsetý standarttary men reglamentterdiń júıeli túrde buzýshylyqtary anyqtaldy», - delingen Memleketik qyzmet isteri jáne sybaılas jemqorlyqqa qarsy is-qımyl agenttiginiń habarlamasynda.
Tekseris sýbektileri úshin anyqtalǵan buzýshylyqtardy joıýǵa qatysty 107 usynystar ázirlendi.
Qazirgi tańda ortalyq apparatpen Bilim jáne ǵylym mınıstrligi men onyń komıtetinde, ınvestıtsııa jáne damý, densaýlyq saqtaý, mádenıet jáne sport mınıstrlikteriniń vedomstvolarynda, aımaqtarda - ákimdikterdiń qurylymdyq bólimshelerinde tekseris júrgizilýde.
