Qazaqstandyqtar «Qysta jumysqa velosıpedpen baramyz» aktsııasyna qatysty
ALMATY. QazAqparat - Qazaqstandyq velosıpedshiler «Velosıpedpen qysta jumysqa baramyz» halyqaralyq aktsııasyna qatysty, dep habarlaıdy «QazAqparat» tilshisi.
Aktsııa talaby boıynsha juma, 10 aqpan kúni qatysýshylar úıinen velosıpedpen jumysqa barýy kerek bolatyn. Aktsııaǵa Almaty, Taldyqorǵan, Shymkent, Qyzylorda qalalarynan azamattar qatysty. Sharanyń taǵy bir sharty boıynsha aktsııaǵa qatysýshylar velosıpedpen jumysqa bara jatqan sýretterin áleýmettik jelilerde jarııalaýy tıis boldy.
Atsııaǵa qatysýshylar osylaı, ekologııalyq tazalyqty saqtaý úshin zııansyz kólikpen qatynaýdy nasıhattamaq.
Uıymdastyrýshylardyń aıtýynsha, sharaǵa qatysýǵa ótinish bildirgender sany jaǵynan Qazaqstan álem qalalary boıynsha úzdik jıyrmalyqqa kirip, 15-shi orynnan kórindi. Al Almaty qalasy vırtýaldy «madaq taqtasyna» ilindi.
Uıymdastyrýshy Asqar Týleev 11 aqpan kúni qatysýshylar týraly sýretter jınaqtalyp, áleýmettik jelilerde #winterbiketowork #wbtw2017kz heshtegi boıynsha jarııalanatyndyǵyn atap ótti.
