Qazaqstandyqtar Qyrǵyzstannyń ashyq chempıonaty jáne Azııa birinshiliginen 11 medal alyp keldi
ASTANA. QazAqparat - Qyrǵyzstannyń Cholpon-Ata qalasynda zamanýı bessaıystan ashyq chempıonat jáne Azııa birinshiligi aıasyndaǵy jarystar aıaqtaldy, dep habarlaıdy sports.kz.
Qazaqstan quramasy jeke komandalyq birinshilikte estafeta jáne MIX estafetasy boıynsha óner kórsetti.
Jarysqa Ońtústik Koreıa, Japonııa, Taıvan, Úndistan, Sıngapýr, Reseı, Qazaqstan men Qyrǵyzstan sııaqty 8 memlekettiń sportshylary qatysty.
Erler arasyndǵy úzdik kórsetkishter boıynsha úshtikti Lı Donggı (Koreıa), Temirlan Aıtymbetov (Qyrǵyzstan) pen Denıs Tıýrın (Qazaqstan), áıelder arasynda - Jeong Mına (Koreıa), Polına Matıýhevıch (Reseı) pen Kım Sehıı (Koreıa) qurady.
Komandalyq esepte erler arasynda Koreıa quramasy alǵa shyqty. Ekinshi orynǵa Qyrǵyzstan quramasy turaqtady. Úshinshi orynǵa qazaqstandyqtar - Denıs Tıýrın, Vladıslav Sýharev, Pavel Ilıashenko taban tiredi. Áıelder arasynda da Koreıa quramasy úzdikterdiń kóshin bastady. Ekinshi orynda Qazaqstan (Ardaq Ahıdýlaeva, Elızaveta Ahmetova, Regına Tamakına), úshinshi orynda Qyrǵyzstan tur.
Jarys qorytyndysy boıynsha qazaqstandyq sportshylar 11 medal jeńip aldy: altyn, 6 kúmis jáne 4 qola.
