Qazaqstandyqtar kóshpeliler oıyndarynda taǵy eki «qola» jeńip aldy (FOTO)
ShOLPAN ATA. QazAqparat - Qazaqstannyń eki ókili Búkilálemdik kóshpeliler oıyndarynda «er-enısh» saıysynda (qazaqtyń «aýdaryspaq» oıyny tárizdes) qola marapattarǵa qol jetkizdi.
80 kelige deıingi salmaqta 22 jastaǵy QR sport sheberi Túımenbek Jumalıev (Shymkent) úshinshi orynǵa ıe boldy. 80 keliden astam salmaq sanatynda sondaı-aq Aqmola oblysynyń 38 jastaǵy turǵyny, QR sport sheberi, aýdaryspaqtan Qazaqstannyń eki dúrkin chempıony Marat Nurpeıisov «qola» marapatty jeńip aldy.
Qyrǵyzstan ókilderi atalǵan eki salmaq sanatynda da birinshi jáne ekinshi oryndarǵa ıe boldy.
Týrnırge 7 eldiń sportshylary (Ázerbaıjan, Aýǵanstan, Qazaqstan, Qyrǵyzstan, Mońǵolııa, Tájikstan jáne Ózbekstan) qatysty.
Jartylaı fınaldyq kezdesýlerde Aýǵanstan sport delegatsııasynyń basshylary qyrǵyz jáne aýǵan atletteriniń saıysyna tórelik etken tóreshiler brıgadasyna qarsylyq bildirdi. Aýǵandyq sportshylar odan ári týrnırge qatysýdan bas tartty.
Sportshylardy marapattaý saltanatyna QR Parlamenti Májilisi tóraǵasynyń orynbasary Sergeı Dıachenko qatysty.
Erteń Búkilálemdik kóshpeliler oıyndarynyń qorytyndy kúni atshabarda «Qunan shabys», «Jorǵa jarys» jáne «Alaman báıge» boıynsha at jarystary ótedi, oǵan qazaqstandyq sportshylar da qatysady.
