Qazaqstandyqtar kórshi qyrǵyz elinen jappaı áskerı kıim satyp alyp jatyr
ASTANA. QazAqparat - Qyrǵyzstanda áskerı kıimderdi jappaı satyp alyp ketýde, dep habarlaıdy «24.kg» aqparattyq agenttigi. Bul aqparatty Qyrǵyz Respýblıkasynyń quqyq qorǵaý organdary rastap otyr.
Bunyń aldynda áleýmettik jelilerde «Bishkek pen Djalal-Abad bazarlarynan bir top kisi áskerı kıimderdi jappaı satyp alyp jatqandyǵy» týraly aqparat taraǵan bolatyn. «Derekkózderdiń málimetterine qaraǵanda, bul adamdar radıkaldy sektalardyń músheleri. Bólshek saýdada 30 áskerı kıim jıyntyǵy satylyp ketýde, bul shamamen bir rota», - delinedi habarlamada. Quqyq qorǵaý organdary bul aqparattyń jalǵan emestigin moıyndaýda. Degenmen satyp alýshylar radıkaldy topqa jatpaıtyndyqtaryn habarlady. «Bizdiń aqparattar boıynsha, atalmysh kıimderdi kórshi Qazaqstannan kelgen ańshylar satyp alýda. Negizinen olar AQSh áskeriniń shyǵarylýyna baılanysty «Manas» bazasynyń áskerı qyzmetkerleri satyp jatqan amerıkalyq formalardy áketýde», - dep málim etti vedomstvo qyzmetkerleri.
