Qazaqstandyqtar koronovırýsqa qatysty suraǵyna DSM-nyń WhatsApp chat-boty arqyly jaýap alady
Búgin Qazaqstan Respýblıkasy Densaýlyq saqtaý mınıstrligi koronavırýs (COVID-19) jaıly halyqty aqparattandyrý úshin WhatsApp jelisinde resmı arnany iske qosty. Koronavırýs týraly ózekti ári shynaıy aqparat usynatyn qyzmettiń bul túri tegin.
«WhatsApp arnasy arqyly Qazaqstan turǵyndary aptasyna 7 kún táýligine 24 saǵat koronovırýs jaıly jıi qoıylatyn suraqtarǵa jaýap ala alady. Chat-bot kelesi taqyryptar boıynsha aqparat usynady: Koronavırýsty dıagnostıkalaý men emdeý tásilderi; pandemııanyń taralýyna qatysty ózekti derekter; úıde qalý boıynsha usynystar; týrıstergekeńester; COVID-19 týraly jıi kezdesetin jalǵan aqparattar.
Chat-bot koronovırýs belgisin anyqtaýǵa baǵyttalǵan anonım saýalnamadan ótýge múmkindik beredi (Semeı medıtsınalyq ýnıversıtetiniń jobasy).
Qazaqstan Respýblıkasy Densaýlyq saqtaý mınıstrliginiń WhatsApp chat-botyn qoldaný úshin +7 705 812 69 67 nómirin telefonyńyzǵa saqtańyz nemese myna siltemege ótińiz; Aqparat alý úshin WhatsApp-ta atalǵan nómirge kez kelgen mátindi habarlama jiberińiz.
«Osy qıyn kúnderde adamdar jaqyndarymen, dostarymen baılanysyp, qoldaý kórsetý úshin WhatsApp-ty ádettegiden kóbirek qoldanýda. Biz Qazaqstannyń Densaýlyq saqtaý mınıstrligine baılanystyń jańa tásilin usyna alǵanymyzǵa qýanyshtymyz. Jańa júıe azamattardyń saýaldaryna tez jaýap berip, jalpyǵa ortaq qaýipsizdikti qamtamasyz etýge múmkindik beredi», - dedi WhatsApp-tyń bas operatsııalyq dırektory Mett Idema.
Resmı chat-bot WhatsApp Business API-diń resmı servıs-provaıderi Infobip kompanııasymen birlesip daıyndaldy.Infobip baılanys platformasyn usyndy, al kompanııa qyzmetkerleri qysqa merzim ishinde chat-botty ázirlep, iske qosýǵa qoldaý kórsetti.
«Búginde jaýapkershiligi bar kez-kelgen bıznes qolda bar múmkindik pen ınnovatsııany COVID-19 pandemııasyna qarsy qoldaný týraly oılaný kerek. Qoldanýshylarǵa yńǵaıly arnalar arqyly aqparatqa qoljetimdilikti uıymdastyrý mekemeler úshin negizgi qajettiliktiń biri. Qazirgi jaǵdaıda ortaq qaýipsizdikti qamtamasyz etý mańyzdy mindetke aınalyp otyr», - dedi Infobip kompanııasynyń Ortalyq Azııadaǵy aımaqtyq dırektory Iskander Qalybekov.
Álemniń birqatar densaýlyq saqtaý mınıstrlikteri halyqty koronavırýs týraly aqparattandyrý úshin WhatsApp arnasyn qoldanady. Dúnıejúzilik Densaýlyq saqtaý uıymy, Sıngapýr úkimeti, Izraıl men Ońtústik Afrıkanyń Densaýlyq saqtaý mınıstrlikteri, Indonezııanyń aqparat jáne kommýnıkatsııalar mınıstrligi sonyń qatarynda.