Qazaqstandyqtar koronavırýstyń aldyn alý sharalarynan Eýropadan góri molyraq habardar – Bekshın
«Qańtar aıynyń alǵashqy kúnderinen bastap-aq, aqpan aıynda da bizdiń elge Eýropadan kelgen tanystar «Nelikten baıbalam salyp jatyrsyzdar? Bizde - Eýropada bári tynysh» dep tańǵalǵan edi. Germanııadan kelgen stýdentterdiń, Nınderlandy men Polshadan kelgen tanystardyń osylaı degeni esimde. Olar áýejaılardaǵy teplovızorlarǵa tańdanǵan bolatyn. Álbette, endi kelip, olarda sondaı jaǵdaı tirkelip jatsa – buǵan kim kináli? Olar da tıisti sheshim qabyldaýy kerek edi. Meniń oıymsha, qańtardyń alǵashqy kúninen bastap máseleni baqylaýǵa alǵanda keıbireýler buǵan kúmánmen qaraǵan edi. Al qazir, Qazaqstan sol sharýany der kezinde júrgizgenin ýaqyttyń ózi dáleldep otyr», - dedi Jandarbek Bekshın búgin OKQ-da ótken baspasóz máslıhatynda.
Bas sanıtarlyq dáriger BAQ ókilderimen bul másele boıynsha kúndelikti kezdeskenin aıtyp ótti.
«Mine, sol sebepti bizdiń halyq aldyn alý sharalarynan Eýropa elderinen góri molyraq habardar. Meniń oıymsha, bul - bizdiń sizdermen júrgizgen jumystarymyzdyń arqasy. Bizdiń halyq koronavırýstan qalaı qorǵanýdy jeke jáne ujymdyq deńgeıde biledi degen sóz. Aldaǵy ýaqytta da tek resmı aqparattarǵa súıenýdi suraımyn», - dedi ol.
Eske sala ketsek buǵan deıin QR Bas sanıtarlyq dárigeri koronavırýs órshigen elderge sapar shekpeýge keńes bergen bolatyn.