10:17, 09 Qazan 2012 | GMT +6
Qazaqstandyqtar kommýnaldyq qyzmetter úshin 8 mlrd. teńge qaryz - Úkimet otyrysy
ASTANA. 9 qazan. QazAqparat - 8 qazandaǵy jaǵdaı boıynsha kommýnaldyq qyzmetter úshin debıtorlyq bereshek 8 mlrd. teńgeni qurady.
Bul týraly búgin Úkimet otyrysynda Qurylys jáne turǵyn úı- kommýnaldyq sharýashylyǵy isteri agenttiginiń tóraǵasy Serik Nokın málim etti.
Onyń sózine qaraǵanda, 2011 jylǵy 19 sáýirden bastap bereshektiń jalpy tómendeýi 10 paıyzǵa jetip otyr.
Esterińizge sala keteıik, Úkimet ákimdikterge debıtorlyq bereshekti 50 paıyzǵa tómendetýge tapsyrma bergen edi. Ákimdikterdiń derekteri boıynsha osy kórsetkishke Aqmola, Aqtóbe, Jambyl, Qaraǵandy, Pavlodar jáne Batys Qazaqstan oblystary qol jetkize aldy.
«Shyǵys Qazaqstan, Qyzylorda jáne Soltústik Qazaqstan oblystary tapsyrmany ishinara oryndady. Qalǵan ákimdikter tapsyrmany oryndaǵan joq», - dep túıindedi S. Nokın.
