Qazaqstandyqtar kóbirek saýda jasaıtyn bolǵan

NUR-SULTAN. QazAqparat – Elimizde kóterme saýdanyń tabystylyǵy arta bastady, dep habarlaıdy QazAqparat Energyprom.kz silteme jasap.

«Qazaqstanda 2021 jylǵy qańtar-tamyzda kóterme saýda kólemi 16,7 trln teńge bolyp, bul bir jyl burynǵyǵa qaraǵanda 18,5% artty. Naqty mánde ósim 10,5% bolyp otyr.

Onyń ishinde satylymnyń 17,4%-y azyq-túlik taýarlaryna (2,9 trln teńge, jylyna plıýs 5,1%), taǵy 82,6%-y azyq-túlik emes taýarlaryna (13,8 trln teńge, plıýs 21,8%) tıesili», - ep jazady analıtıkalyq resýrs.

Óńir boıynsha jiktesek, kóterme saýda kóleminiń úshten birinen astamy (39,3% nemese 6,6 trln teńge) Ekinshi orynda Nur-Sultan qalasy (2,5 trln teńge, oǵan qosa 21,1%) bolsa, úshtikti Atyraý oblysy (2,3 trln teńge, oǵan qosa 60,4%) túıindep tur.

Kóterme saýdanyń ósý qarqyny boıynsha osy Atyraý oblysy alǵa shyǵyp otyr. Al eń baıaý kórsetkish Batys Qazaqstan oblysynda tirkelgen.

«Kóterme saýdanyń eń kóp kólemin jeke menshiktegi kásiporyndar qamtamasyz etti – 10,7 trln teńge. Sheteldik kásiporyndarǵa 5,9 trln teńge, memlekettik kompanııalarǵa 50,1 mlrd teńgeniń kóterme taýary satyldy», - dlingen analıtıkalyq materıalda.

Qazaqstanda aldaǵy tórt jylda shamamen 15 kóterme-taratý ortalyǵy salý josparlanǵan.