Qazaqstandyqtar kezekti kún tutylý qubylysyna kýá boldy

Kún tutylý qubylysynyń eń uzaq fazasy Astanada tirkeldi. Saǵat 16.06-da bastalyp, saǵat 17.17-ge deıin jalǵasty. Kýágerlerdiń aıtýynsha, kúnniń beti 83%-ǵa deıin kólegeılengen.

V.G.Fesenkova atyndaǵy astrofızıka ınstıtýty dırektorynyń ǵylym jónindegi orynbasary bul jolǵy kún tutylýda Aı Kúnniń betin 60-80% kólegeıletinin aıtqan edi. Mundaı qubylys, 2004 jyldyń 14 qazanynda tirkelgen kórinedi. Astronomııada «saros» dep atalatyn qubylys endigi joly 2040 jyldyń 4 qarashasynda qaıtalanýy múmkin.

Áýesqoı astronom, Astanadaǵy Astronomııa mektebiniń negizin qalaýshy Artýr Gaıdýktyń aıtýynsha, Qazaqstanda aspan áleminiń mundaı qubylystaryna áýes adamdar barshylyq.

Áýesqoı astronomnyń kúnniń tutylýyn tikeleı kózben qaraýǵa bolmaıtynyn eskertedi.

Aıtýynsha, mundaı kezde kúnge optıkalyq qurylǵylardyń kómegimen de, kúnnen qorǵaıtyn qarapaıym kózildirikpen de, rentgen quraldarynyń kómegimen de, qarańǵylanǵan áınekpen de qaraýǵa bolmaıdy. Óıtkeni bul zattar kózge kórinbeıdi, túrli kún sáýlelerinen adam kózin qorǵaı almaıdy.