Qazaqstandyqtar kendodan halyqaralyq týrnırde jeńiske jetti
ASTANA. 15 sáýir. QazAqparat - Kendodan Úshinshi halyqaralyq týrnır Almatyǵa jeti komandany jınady, dep habarlaıdy Vesti.kz.
Jarystar bastalar aldynda semınar ótip, onda Japonııa men Reseıden shaqyrylǵan tóreshiler qatysýshylarǵa saıys erekshelikterin taǵy bir márte túsindirip ótti. Bıyl týrnırge Reseıdiń, Izraıl men Qyrǵyzstannyń sportshylary keldi. Ýkraına komandasy da jarysqa qatysýy tıis bolatyn, biraq sońǵy sátte olar úıde qalýdy jón sanady.
Aldyn ala aıqasýdan keıin fınalǵa jarys ıeleri men Izraılden kelgen qonaqtar shyqty, ońaıǵa soqpaǵan aqtyq jekpe-jekten keıin jeńis qazaqstandyqtarǵa buıyrdy. Ekinshi oryn ızraıldikterde, úshinshi oryndy Qyrǵyzstan men Reseı bólisti.
Kendo - bul semserdi meńgerýdiń dástúrli samýraılyq tehnıkasyna negizdelgen japondyq semserlesý óneri. «Semser joly» retinde aýdarylady jáne qazirgi ýaqytta sporttyń bir túri bolyp sanalady.
