Qazaqstandyqtar «Qazaqstannyń jańa 100 tulǵasy» jobasyna ótinish berip jatyr
ASTANA. QazAqparat - el.kz portaly redaktsııasynyń músheleri «Báıterek» monýmenti janynda «Qazaqstannyń jańa 100 tulǵasy» jobasyna qatysý úshin ótinishter qabyldaý aktsııasyn uıymdastyrýda.
Olar elorda turǵyndary men qonaqtarynan eńbek joly erekshe azamattar týraly materıaldar jınaýda. Arnaıy uıymdastyrylǵan aktsııa barysynda tıisti ótinish jobasy daıyndaldy. Ony toltyrǵan adamdar avtomatty túrde jobanyń qatysýshysy atanady.
Osy ýaqytta 100-ge jýyq adamnyń erekshe eńbek joly týraly málimetter jınaldy. Olardyń úzdikteri keıinirek tańdap alynyp, 100esim.el.kz saıtynda jarııalanady.
Osy rette aıta ketetin másele, búgingi tańda saıtqa 1900-den astam ótinish tústi. Olardyń 1000-y portalda jarııalanyp ta úlgerdi. Jobaǵa qatysý úshin ótinish berý bıylǵy jyldyń qyrkúıeginde aıaqtalady.
«Bizdi qýantyp otyrǵany ótinishter kóbine óńirlerden kelip jatyr. «Báıterek» monýmentine kelýshiler elimizdiń barlyq aımaqtaryn qamtıdy. Sondyqtan ótinishterdiń aýqymy óte keń. Bul jobaǵa óziniń qaıdan kelgendigine jáne qoǵamdaǵy áleýmettik mártebesine qaramastan kez kelgen adamnyń múshe bola alatyndyǵynyń taǵy bir jarqyn dáleli. Al biz ózimizdiń tarapymyzdan búgingi kúnge deıin kelip túsken ótinishterdiń barlyǵynyń óńdelip, 100esim.el.kz. saıtyna ornalastyrylatyndyǵyna sendirgimiz keledi. Azamattardyń eńbek joldary týraly tolyq málimetterdi bilý úshin bizde olardyń baılanys nómirleri bar»,-dedi aktsııany uıymdastyrýshylardyń biri EL.KZ portalynyń jaýapty hatshysy Oleg Rıabchenko.
El azamattarynyń ómir joly men tarıhyna qalyń kópshiliktiń nazaryn aýdarý úshin Elbasy Nursultan Nazarbaev «Qazaqstannyń jańa 100 tulǵasy» jobasyn iske qosýdy usynǵan bolatyn. Bul bastama basty úsh máseleni sheshýge baǵytalǵan. Birinshiden, óziniń eńbegimen, kúshimen táýelsiz Qazaqstandy qalyptastyrýǵa úles qosqan azamattardy qalyń kópshilikke tanytý jáne osy iske aqparattyq qoldaý kórsetý. «100 tulǵanyń» tek jalpyulttyq qana emes, óńirlik jobasyn da qalyptastyrý.
Jobaǵa qatysý úshin ótinishti qalaı berý kerek? Eger Siz ómiri men eńbek joly qatty qyzyqtyrǵan azamatty biletin bolsańyz nemese Sizdiń ózińiz sondaı azamattardyń biri bolsańyz Sizde ómir tarıhyńyzdy ózgelermen bólisý múmkindigi bar. Ol úshin 100esim.el.kz saıtyna kirip, arnaıy paraqshany toltyrý kerek.
