Qazaqstandyqtar qazaq qoǵamyna qaraǵanda Reseıdiń máselesin jetik biledi - Bolathan Taıjan qorynyń prezıdenti
ALMATY. Qazannyń 19-y. QazAqparat /Erlik Erjanuly/ - Qazaqstandyqtar reseılik aqparat keńistiginde ómir súrip jatyr. Bul týraly búgin Almatyda ótken "Qazaqstan halqynyń birligi doktrınasy: teorııadan tájirıbege" dep atalatyn halyqaralyq ǵylymı-tájirıbelik konferentsııada sóz boldy.
"Bizde ulttyq saıasatty qurý 2000 jyldan bastap eýrofýndamentke negizdelýde. Qazir Qazaqstannyń kópulttylyǵy týraly kóp aıtylady. 2009 jylǵy resmı halyq sanaǵynyń qorytyndysy boıynsha 128 ult pen ulys ókilderi turady. Onyń 105-i 10 myń adamǵa jetpeıdi. Máselen 128 ult pen ulys ókilderiniń 49-y 100 adamǵa, 20-sy 500-ge, 15-i myń adamǵa, 13-i bes myńnan da kem", deıdi Bolathan Taıjan qorynyń prezıdenti Muhtar Bolathanuly. Ekonomıst ǵalymnyń aıtýynsha, Qazaqstanda qazir reseılik 5248 merzimdi basylym jaryq kóredi nemese syrttan ákelinedi. Al qazaqstandyq 2970 merzimdi basylymnyń 450-i ǵana qazaq tilinde shyǵarylady.
