Qazaqstandyqtar Qaıyrymdylyq kúnin atap ótýde
Mereke tujyrymdamasyna saı elimizdiń ár óńirinde offlaın nemese onlaın formatta «izgilik keńesteri» bar stend ornalastyrylǵan, kez kelgen adam ondaǵy kartochkany alyp, kórsetilgen qaıyrymdy isti jasap, ol jóninde áleýmettik jelilerde Marafonnyń resmı paraqshasyn belgilep jáne tegteı otyryp bólise alady.
Aktsııany Almaty, Atyraý, Qostanaı, Pavlodar jáne Aqtóbe oblystarynda offlaın rejımde qoldady.
Taldyqorǵan qalasyndaǵy «Atameken» SÚ-de «Qaıyrymdylyq júregi» ınstallıatsııasyn ornatty. Búginde ınstallıatsııadan 120-dan astam «izgilik keńesteri» oryndaldy, al jańa kartochkalar qajettilikke baılanysty paıda bolady.
Oblys ákimdigi ókilderiniń aıtýynsha, aldaǵy ýaqytta «Qaıyrymdylyq júregin» adamdar kóp shoǵyrlanatyn túrli jerlerge kóshirý josparlanyp otyr.
Aqtóbede «izgilik keńesteri» stendin ornatýdan bólek, «Jas saqshy» eriktiler toby Ulttyq qaıyrymdylyq kúnin merekeleýge oraı oblystyq jastar resýrstyq ortalyǵynyń qoldaýymen stýdentter arasynda voleıbol týrnırin ótkizýge bastamashylyq etti. Іs-shara sheńberinde qaıyrymdylyqtan túsken barlyq qarajat múmkindigi shekteýli adamdarǵa arnalǵan «Alash» qoǵamdyq uıymynyń tóraǵasy Álibek Nurbaıulynyń emdelýine beriledi.
Al Pavlodar qalasynda 9 qazan kúni «Batyr Mall» SÚ-de Ulttyq qaıyrymdylyq kúnine oraı aktsııa ótkiziledi. Bul kúni qala turǵyndaryn jaqsylyq jasap aktsııany qoldaýǵa shaqyrady: qan tapsyrý, panasyz janýarlardy tamaqtandyrý, qoǵamdyq kólikte oryn berý jáne t.b.
Ulttyq qaıyrymdylyq kúnin merekeleýge qatysqysy keletin qostanaılyqtar «Jastar saraıyna» bara alady: onda izgilik keńesteri bar ınstallıatsııa ornatylǵan, kez kelgen adam ondaǵy kartochkany alyp, kórsetilgen qaıyrymdy isti jasap, ol jóninde áleýmettik jelilerde Marafonnyń resmı paraqshasyn belgilep jáne tegteı otyryp bólise alady.
Aktsııany Qazaqstannyń barlyq óńirinde onlaın-formatta qoldady: jeli qoldanýshylary @qaiyrymdy_ister_marafony resmı akkaýntynan tabýǵa bolatyn «izgilik keńesteri» bar AR-maskasyn belsendi paıdalanady.
Eske sala keteıik, «Qaıyrymdy ister marafony» jalpyulttyq jobasy osy jyldyń aqpan aıynda Memleket basshysy Qasym-Jomart Toqaevtyń bastamasymen Qazaqstan Táýelsizdiginiń 30 jyldyǵyn merekeleý sheńberinde bastalǵan bolatyn. Joba Azamattyq bastamalardy qoldaý ortalyǵy men QR Aqparat jáne qoǵamdyq damý mınıstrliginiń qoldaýymen júzege asyrylýda.
