Qazaqstandyqtar «Qaırat» - «Hapoel» matchyn tikeleı efırden kóre alady
NUR-SULTAN. QazAqparat – Qazaqstandyq jankúıerler «Qaırat» komandasynyń ızraıldik «Hapoelmen» (Beer-Sheva) oıynyn, ıaǵnı Eýropa Lıgasynyń ekinshi irikteý kezeńiniń alǵashqy matchyn tikeleı efırden tamashalaıtyn bolady, dep habarlaıdy QazAqparat Sports.kz saıtyna silteme jasap.
«Hapoel» - «Qaırat» oıynynyń Beer-Shevadan (Izraıl) tikeleı kórsetilimin «Qazsport» telearnasy uıymdastyrady. Ol Nur-Sultan ýaqyty boıynsha 23:20-da bastalady.
Komandalar qarymta matchty 1 tamyz kúni Almatyda ótkizedi.
Eske sala keteıik, «Qaırat» Eýropa Lıgasy irikteý kezeńiniń úshinshi aınalymyna shyqqan jaǵdaıda «Norrchepıng» (Shvetsııa)/ «Lıepaıa» (Latvııa) jubynyń jeńimpazymen kezdesedi. Almatylyqtar birinshi kezeńde eki márte bosnııalyq «Shırokı Brıeg» komandasyn jeńgen bolatyn (2:1, 2:1).
Foto: vk.com/fckairat
