Qazaqstandyqtar qaı aıyppuldyń kólemin tym joǵary sanaıdy
Bul týraly búgin «Nur Otan» partııasy janyndaǵy Quqyqtyq keńestiń «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlardyń ózekti máseleleri» taqyrybyndaǵy dóńgelek ústel otyrysynda partııasy hatshysy Natalıa Godýnova aıtty, dep habarlaıdy QazAqparat.
Onyń aıtýynsha, «Nur Otan» partııasynyń qoǵamdyq qabyldaý bólmesine azamattardyń basym bóligi negizinen eki másele boıynsha júginedi. Onyń biri jol qozǵalysy erejesi salasyndaǵy aıyppuldardyń kólemine, al ekinshisi laýazymdy tulǵanyń áreketine nemese áreketsizdigine qatysty bolyp keledi.
«Sonymen qatar azamattar tarabynan búgingi kúngi qoldanystaǵy aıyppul kólemderiniń halyqtyń tabys kólemimen sáıkestigine qatysty máseleler jıi kóteriledi. Aıtpaqshy, bul problema zań jobasynda da kórinis taýyp otyr. Osy máselege baılanysty «Nur Otan» partııasy janyndaǵy saıası saraptamalar jáne áleýmettik zertteýler ortalyǵy arnaıy psıhologııalyq zertteý júrgizdi», - dedi Godýnova.
Partııa hatshysy jarııa etken atalǵan zertteý nátıjelerine sáıkes, halyqtyń paıymynsha, úsh buzýshylyqqa qatysty aıyppuldardyń kólemi tym joǵary.
«Birinshisi - jol júrý erejesin buzý. Saýalnamaǵa qatysýshylardyń 55 paıyzy osylaı dep jaýap bergen. ıAǵnı, elimizdiń árbir ekinshi turǵyny aıyppul kólemi joǵary dep sanaıdy. Ekinshisi - salyq zańnamasyn buzý. Bul - 35 paıyz. Bul pikirdi árbir úshinshi azamat bildirgen. Al úshinshisi - ruqsat etilmegen jerde ishimdik ishý, shylym shegý. Saýalnamaǵa qatysýshylardyń 35 paıyzy nemese árbir úshinshi qazaqstandyq aıyppul kólemi tym jaýap bergen», - dedi partııa hatshysy.
