Qazaqstandyqtar qaı áýe baǵyty boıynsha kóp ushady
ASTANA. QazAqparat - Bıyl Qazaqstannyń azamattyq avıatsııa salasynda kórsetkish ósiminiń qarqyny saqtaldy. 2018 jyldyń 8 aıynda jergilikti áýejaılar 9,2 mln. adamǵa (boljamdy derek) qyzmet kórsetti. Bul kórsetkish 2017 jyldyń sáıkes kezeńimen salystyrǵanda 10%-ǵa artyq (8,4 mln. adam), dep habarlandy Azamattyq avıatsııa komıtetiniń Feısbýktegi resmı paraqshasynda.
Málimetke saı, 2018 jyldyń 8 aıynda áýe jolaýshylar tasymalynyń ósimi 15% qurady nemese 5,5 mln. adamǵa jetti (2017 jyldyń 8 aıynda - 4,8 mln. adam).
Qazirgi ýaqytta Qazaqstan Respýblıkasynyń áýe tasymalynyń ishki naryǵynda «Eır Astana», «SCAT», «Bek Eır», «Qazaq Air», «Jezqazǵan Eır», «Jetisý», «ıÝjnoe nebo» sııaqty 7 qazaqstandyq áýe kompanııa jumys isteıdi.
Іshki naryqtaǵy halyq eń kóp ushatyn «Almaty - Astana - Almaty» áýe baǵyty. Bul marshrýt boıynsha eki baǵytqa 4 áýe kompanııasy («Eır Astana», «SCAT», «Bek Eır», «Qazaq Air») aptasyna jıiligi 274 reıs oryndaıdy. Ortasha eseppen Astanadan Almatyǵa jáne keri ushýǵa bolatyn kúndelikti 19 reıs bar.
Ekinshi halyq kóp ushatyn «Almaty - Shymkent - Almaty» baǵyty. Bul marshrýt boıynsha eki baǵytqa 4 áýe kompanııasy («Eır Astana», «SCAT», «Bek Eır», «Qazaq Air») aptasyna jıiligi 62 reıs oryndaıdy.
Úshinshi orynda Astana - Shymkent - Astana marshrýty. Bul baǵytta 3 áýe kompanııa («Eır Astana», «SCAT», «Bek Eır») aptasyna jıiligi 60 reıs oryndaıdy.
Qazaqstan Respýblıkasynda halyqaralyq naryqta jolaýshylar tasymaldaıtyn 25 sheteldik jáne 2 qazaqstandyq áýe kompanııa bar. Halyqaralyq baǵytta eń kóp qoldanylatyn - «Almaty - Máskeý - Almaty» marshrýty. Bul eki baǵytqa eki áýe kompanııasy («Eır Astana», «Aeroflot») aptasyna 60 reıs oryndaıdy.
Ekinshi halyq tarapynan suranysqa ıe «Astana - Máskeý - Astana» marshrýty. Bul eki baǵytqa eki áýe kompanııasy («Eır Astana», «Aeroflot») aptasyna 48 reıs oryndaıdy.
Úshinshi orynda «Almaty - Ystambul - Almaty» marshrýty. Bul eki baǵytqa eki áýe kompanııasy («Eır Astana», «Turkish Airlines») aptasyna 34 reıs oryndaıdy.
Aıta keteıik, kúni keshe jańa halyqaralyq áýe baǵytynyń ashylatynyn habarlaǵan bolatynbyz. Búginde Qazaqstan men Serbııa arasynda tirkeleı reıster úshin quqyqtyq baza ornatyldy, endi Astana men Belgrad arasynda tikeleı áýe reısi qatynaıtyn bolady.
