Qazaqstandyqtar qaterli isiktiń qaı túrine jıi shaldyǵady

ASTANA. QazAqparat – 210 myńnan astam qazaqstandyq qaterli isik syrqattaryna shaldyqqandar esebinde tur. Bul týraly Densaýlyq saqtaý mınıstrligi Medıtsınalyq kómekti uıymdastyrý departamentiniń dırektory Azamat Dúısenovtiń tilshi saýalyna bergen jaýabynda aıtylǵan, dep habarlaıdy QazAqparat tilshisi.

Bıyl 1 shildedegi aqparatqa saı, elimizde qaterli isik dıagnozymen 210 198 naýqas dınamıkalyq baqylaýda tur

, - delingen vedomstvo jaýabynda.

Sondaı-aq onkologııalyq syrqattyń qandaı túrimen esepte turǵandar kóp ekeni málim etildi.

Onkologııalyq syrqattanýshylyq qurylymynda birinshi orynda sút bezi qaterli isigi tur. Olardyń úlesi 2021 jyly jalpy aýyrǵandardyń – 15,4 paıyzyna, 2022 jyly 14,7 paıyzyna teń boldy. Odan keıin ókpeniń qaterli isigi: 2021 jyly – 11,1%, 2022 jyly – 11,2%. Úshinshi kolorektaldy obyr: 2021 jyly – 10,1%, 2022 jyly – 10,4%, al asqazan qaterli isigi 2021 jyly – 7,9%, 2022 jyly 8,3% boldy. Jatyr moıny qaterli isigi boıynsha aýyrǵandardyń úlesi 2021 jyly – 5,54%, 2022 jyly – 5,51%

, - dep jaýap bergen Azamat Dúısenov tilshi saýalyna oraı.