Qazaqstandyqtar qaterli isik boıynsha tekserýden qalaı óte alady
«Skrınıngtiń buıryqpen bekitilgen tegin úsh túri bar. Jalpy, kúdik-kúmán týǵan jaǵdaıdaǵy tegin qyzmettiń spektrin kóbeıttik. ıAǵnı, osy jyldan bastap, kompıýterlik tomografııa – MRT-ny engizdik. Buryn ol aqyly edi. Bıyldan – qyrkúıekten bastap qarjylandyrýdy arttyryp, obyrǵa qatysty kúdik-kúmán týǵan jaǵdaıda tegin tekseristen ótýge bolady. Alaıda sút bezi qaterli isigi, kolorektaldy isik, jatyr moıny isigin anyqtap beretin skrınıngtiń naqtylyǵy dáleldengen úsh túri bar», - dedi Eljan Birtanov elordada ótip jatqan Onkologııadaǵy Dúnıejúzilik kóshbasshylar sammıtinde tilshilerdiń suraǵyna jaýap bere otyryp.
Áıtse de, mınıstr bári tegin bolýy kerek degen pikirdi quptamaıtynyn bildirdi.
«Eger másele sizdiń ómirińizge, densaýlyǵyńyzǵa, otbasyńyzǵa tirelip tursa, onda, skrınıngten aqyly túrde ótýden bas tartpaý kerek. Qazirgi tańda tehnologııa buǵan múmkindik berip otyr. Ýaqyt óte kele jańa tehnologııalar engiziledi. Máselen, aldaǵy ýaqytta naryqqa enip kele jatqan molekýlıarly-genetıkalyq zertteýdi alaıyq. Sarapshylardyń aıtýynsha, jaqyn arada adamdar óz boıyndaǵy tuqym qýalaıtyn dertterdi kóre alatyndaı jaǵdaıǵa jetedi. Bul zertteýler ázirge qymbat. Biraq, meniń oıymsha, Qazaqstanda aldaǵy 3-5 jylda ol tehnologııalar qoljetimdi bolady. Ázirge, men qazaqstandyqtarǵa óz densaýlyǵyn oılaýdy usynamyn. Óıtkeni, bul eń aldymen sizdiń otbasyńyzdyń amandyǵy. Memleket árdaıym tegin medıtsınalyq kómektiń kólemin arttyrýǵa tyrysatyny anyq. Máselen, medıtsınalyq saqtandyrý aıasynda aldaǵy 3-4 jylda tegin medıtsınalyq kómektiń kólemin eki ese arttyramyz», - dedi ol.
Mınıstrdiń aıtýynsha, aldaǵy jyldary Qazaqstanda obyrmen kúreske qarajat burynǵydan kóbirek bólinedi.
«Alaıda ár adam densaýlyǵy tek ózine kerek ekenin uǵýy tıis. Kez kelgen kisi óz densaýlyǵyn oılaýy tıis. Ǵylym kóp nárseni dáleldedi. Qazir aqparattardyń kóbi qoljetimdi. Denińizdiń saýlyǵyn saqtaý aınalyp kelgende úlken kúsh jumsaýdy qajet etpeıdi», - dep túıdi mınıstr.
Eske sala ketsek, elordada Onkologııadaǵy Dúnıejúzilik kóshbasshylar sammıti ótip jatyr. Forýmǵa Halyqaralyq obyrǵa qarsy odaq (UICC) prezıdenti, joǵary mártebeli hanshaıym Dına Maıred qatysýda.
Elbasy Nursultan Nazarbaev búgin sammıtke qatysýshylarǵa quttyqtaý hat joldady.