Qazaqstandyqtar qashannan bastap júrgizýshi kýáliginsiz júre alady
NUR-SULTAN. QazAqparat – Qazaqstan azamattary 13 aqpannan bastap ózimen birge júrgizýshi kýáligi men tehpasportty almaı júre alady. Bul týraly QR ІІM Ákimshilik polıtsııa komıteti tóraǵasynyń orynbasary Serik Túsipov aıtty, dep habarlaıdy QazAqparat tilshisi.
Onyń atap ótýinshe, 1 aqpanda Memleket basshysy qol qoıǵan «Qazaqstan Respýblıkasynyń keıbir zańnamalyq aktilerine jol júrisi máseleleri boıynsha ózgertýler men tolyqtyrýlary engizý týraly» Zań resmı jarııalanǵannan keıin 10 kúntizbelik kún ótken soń ǵana kúshine enedi. Zań 2 aqpan kúni «Egemen Qazaqstan» men «Kazahstanskaıa pravda» gazetterinde jarııalandy jáne 13 aqpannan bastap kúshine enedi.
«Sonymen qatar qazirgi ýaqytta mınıstrlik Jol júrisi erejesine Qazaqstanda berilgen qujattardy ózimen birge júrgizýshilerdiń alyp júrý mindetin alyp tastaý bóliginde tıisti ózgertýler engizip jatyr. Bul rette Zań atalǵan Jol júrisi erejesinen joǵary turatyndyǵyna nazar aýdartqym keledi Demek, polıtsııa qyzmetkerleri Jol júrisi erejesiniń normasyna bola qujattardy talap etpeıdi», - dedi Serik Túsipov.
Sonymen qatar ol júrgizýshi kýáligimen tehpasport berý qyzmeti jalǵasa beretindigin atap ótti.
«Jyl saıyn shamamen 500 myń júrgizýshi kýáligi jáne shamamen 1,5mln tehpasport beriledi», - dedi komıtet tóraǵasynyń orynbasary.
