Qazaqstandyqtar qarjy pıramıdasy belgilerin ózderi teksere alady
«Budan bólek, qarjy pıramıdasynyń belgileri bar 2 myń silteme buǵattaldy», - delingen QR Qarjy monıtorıngi agenttiginiń QazAqparattyń resmı saýalyna bergen jaýabynda.
Vedomstvodan qarjy pıramıdasy qyzmetine qarsy sharalar kesheni týraly aqparat berdi.
«Azamattardyń qarjy pırmıdasy qyzmetiniń belgileri baıqalǵan saıttar men siltemelerdi teksere alatyn Telegram-bot iske qosý josparlanyp otyr», - dedi Agenttikten. Sáýir aıynda Qazaqstanda 3 myńnan astam qarjy pıramıdasynyń qurbany bolǵan. Ótken jyly qarjy pıramıdasynan 31 myńnan astam azamat zardap shekti. Olar 54 mlrd teńgeden astam qarajat joǵaltqan.
Bıyl «Mudarabah Capital» qarjy pıramıdasyna qatysty is jurtshylyqtyń nazaryn aýdardy. Qarjy pıramıdasyn qurdy degen kúdikpen 14 adamǵa, onyń ishinde úsh tanymal bloger Meıirjan Tórebaev, Meıirhan Shernııazov jáne Ázim Saıdbaevqa aıyp taǵylyp otyr. Olardyń ekeýi ustaldy, biri halyqaralyq izdeýde.
